ریاست بہار میں انتخابی نتائج پر راہول گاندھی حیران

بھارت کی کانگریس پارٹی کے رہنما راہول گاندھی نے ریاست بہار کے انتخابات کے نتائج پر ردعمل ظاہر کرتے ہوئے کہا ہے کہ ہم ایسے الیکشن میں فتح حاصل نہیں کر سکے جو شروع سے ہی منصفانہ نہ ہوں۔

راہول گاندھی نے مزید کہا کہ ریاست بہار میں یہ نتیجہ واقعی حیران کن ہے۔ انہوں نے واضح کیا کہ ان کی جدوجہد آئین اور جمہوریت کے تحفظ کے لیے ہے اور کانگریس اور اپوزیشن اتحاد اس کے نتائج کا گہرائی سے جائزہ لے گا۔

راہول گاندھی نے اس بات پر زور دیا کہ جمہوریت کو محفوظ رکھنے کے لیے اپنی کوششوں کو مزید مؤثر بنایا جائے گا۔