رحیم یار خان: تھانہ کوٹ سمابہ پولیس کی حراست میں مبینہ طور پر شہری جاں بحق

تھانہ کوٹ سمابہ کی حدود میں پولیس حراست کے دوران مبینہ شدید تشدد سے ایک شہری جاں بحق ہو گیا، جس کے بعد ایس ایچ او سمیت پانچ پولیس اہلکاروں کے خلاف قتل، اغوا اور دیگر سنگین دفعات کے تحت مقدمہ درج کر لیا گیا ہے۔

مقدمے کے متن کے مطابق متوفی محمد امجد کو 19 جولائی کی رات 8 سالہ بچی کے اغوا اور مبینہ زیادتی کے ایک کیس میں تفتیش اور پوچھ گچھ کی غرض سے تھانے بلایا گیا تھا۔ ورثاء اور دعوے کے مطابق، ابتدائی پوچھ گچھ کے بعد ایس ایچ او نقاش رضا اور دیگر پولیس اہلکار امجد کو تھانے سے نکال کر کسی نامعلوم مقام پر قائم ایک نجی ٹارچر سیل میں لے گئے، جہاں اس پر بے رحمانہ تشدد کیا گیا جس سے وہ جان کی بازی ہار گیا۔

شہری کی ہلاکت اور لاش نہ ملنے پر متوفی کے شدید اشتعال میں آ گئے اور انہوں نے تھانے کے باہر احتجاجی دھرنا دے دیا۔ مظاہرین نے پولیس انتظامیہ کے خلاف نعرے بازی کرتے ہوئے لاش کی برآمدگی اور واقعے میں ملوث تمام اہلکاروں کی فوری گرفتاری اور سخت سے سخت قانون کارروائی کا مطالبہ کیا ہے۔ پولیس کے اعلا حکام نے معاملے کا نوٹس لیتے ہوئے شفاف تحقیقات کی یقین دہانی کرائی ہے