LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
حکومت کا پیٹرول اور ڈیزل کی قیمتوں میں 2 روپے فی لیٹر کمی کا اعلان، نئی قیمتوں کا اطلاق 17 نومبر کو ایک روز کے لیے ہوگا امیرِ تبلیغی جماعت مولانا نذر الرحمن کی نمازِ جنازہ لاہور میں ادا کر دی گئی، اندرون و بیرونِ ممالک سے لاکھوں افراد کی شرکت اڈیالہ جیل میں خاتون قیدی کے سیل سے 7 چھوٹے سانپ نکلنے کی خبر بے بنیاد اور من گھڑت قرار: سپرنٹنڈنٹ اڈیالہ جیل امریکا اب دنیا کا عظیم ترین ملک ہے، دو سال پہلے ایسا نہیں تھا، ٹرمپ پاکستانی گیمر عاطف بٹ نے تھائی لینڈ میں ٹیکن 8 چیمپئن شپ جیت لی 10 ویں پاکستان صنعتی نمائش اختتام پذیر، 150 ملکی و غیر ملکی کمپنیوں کی شرکت اگر بانی کو کچھ ہوا تو حکمران اور انہیں قید رکھنے والے تمام افراد ذمہ دار ہوں گے: علامہ ناصر عباس اسحاق ڈار اور ایرانی وزیر خارجہ کی ملاقات، دوطرفہ تعاون مزید مضبوط بنانے پر اتفاق شاہ سلمان کا نئی عسکری تقرریوں کا شاہی فرمان جاری، اہم عہدوں پر تبدیلیاں پاکستان خطے میں ترقی، امن اور استحکام کیلئے کردار ادا کرتا رہے گا: اسحاق ڈار ای سی او ممالک کے درمیان علاقائی تعاون، معاشی انضمام کے فروغ کیلئے پرعزم ہیں: وزیراعظم ایم کیو ایم پاکستان کا وزیراعلیٰ سندھ مراد علی شاہ سے پھر استعفے کا مطالبہ بانی پی ٹی آئی اور بشریٰ بی بی کی جیل میں ملاقات کرا دی گئی روس یوکرین میں ڈرون جنگ شدت اختیار کرگئی، دونوں جانب بھاری نقصانات موسمیاتی تبدیلیوں سے نمٹنے کیلئے مشترکہ عالمی حکمت عملی ناگزیر: مراد علی شاہ

لاہور ڈی ایچ اے میں بارش کے بعد پانی بھرگیا، رابی پیرزادہ کا مریم نواز سے شکوہ

Web Desk

24 July 2026

پنجاب کے دارالحکومت لاہور میں حالیہ تیز بارشوں کے بعد پوش سمجھے جانے والے علاقے ڈی ایچ اے (DHA) میں بھی گھٹنوں گھٹنوں پانی جمع ہو گیا، جس پر سابقہ فنکارہ رابی پیرزادہ نے سوشل میڈیا پر ویڈیو وائرل کرتے ہوئے وزیراعلیٰ پنجاب مریم نواز اور انتظامیہ پر سخت تنقید کی ہے۔

رابی پیرزادہ نے اپنے فیس بک پیج پر ڈی ایچ اے فیز 1 میں اپنے گھر کے باہر کھڑے پانی کی ویڈیو شیئر کی۔ ویڈیو کے کیپشن میں انہوں نے “بارش کے بعد لاہور کی صورت حال اور مریم نواز کا ستھرا پنجاب” تحریر کیا اور وزیراعلیٰ کو مخاطب کرتے ہوئے کہا کہ “مریم نواز صاحبہ! دیکھیں لاہور کے ساتھ کیا ہو رہا ہے”۔ انہوں نے مزید کہا کہ یہ لاہور کا مہنگا ترین علاقہ ہے مگر بارش کے پانی سے ان کے آفس اور اسکول کے اندر شدید نقصان ہوا ہے۔ انہوں نے صفائی کے لیے مختص کی گئی گاڑیوں کی کارکردگی اور حکومتی دعوؤں پر بھی سوالات اٹھائے۔

بعد ازاں ویڈیو کے کمنٹ سیکشن میں وضاحت کرتے ہوئے رابی پیرزادہ نے لکھا کہ اس ویڈیو کا مقصد کسی مخصوص ادارے یا فرد پر تنقید کرنا نہیں بلکہ اربابِ اختیار تک عوام کے مسائل پہنچانا ہے تاکہ بروقت اقدامات ہو سکیں۔

رابی پیرزادہ کی ویڈیو وائرل ہونے کے بعد سوشل میڈیا صارفین کی جانب سے ملا جلا ردعمل دیکھنے میں آیا؛ بعض صارفین نے انتظامیہ کے نکاسیِ آب کے انتظامات پر تنقید کی جبکہ متعدد صارفین نے موقف اپنایا کہ اتنی شدید بارش کے بعد فوری پانی جمع ہونا فطری بات ہے اور چند گھنٹوں کی جدوجہد کے بعد انتظامیہ نے پانی کی نکاسی مکمل کر دی تھی۔