امریکا اور ایران کے درمیان مذاکرات میں شامل نہیں،قطر

قطر کی وزارتِ خارجہ کا کہنا ہے کہ وہ امریکا اور ایران کے درمیان جنگ ختم کروانے کی کوششوں کا حصہ نہیں ہے۔ایک پریس بریفنگ کے دوران وزارتِ خارجہ کے ترجمان ڈاکٹر ماجد الانصاری کا کہنا تھا کہ ہماری توجہ اپنے ملک پر حملوں کے خاتمے اور اپنی سرزمین کے دفاع پر ہے۔

ڈاکٹر ماجد الانصاری کا کہنا تھا کہ جمعرات کے بعد سے اب تک ایران نے قطر پر کوئی میزائل یا ڈرون حملہ نہیں کیا۔تاہم اب بھی ایران ہمارے خلیجی پڑوسیوں پر حملے کر رہا ہے۔

قطری ترجمان نے کہاکہ ہم پر اب تک 200 سے زیادہ ڈرون حملے ہو چکے ہیں ،ردِ عمل دینا ہمارا حق ہے۔ تاہم ابھی تک ہم نے اس حوالے سے فیصلہ نہیں کیا ہے۔