کوئی ریاست دوسری ریاست کیلئے خطرہ نہیں بن سکتی: قطری وزیراعظم

قطری وزیراعظم شیخ محمد بن عبدالرحمان الثانی نے اپنے بیان میں زور دے کر کہا ہے کہ کوئی بھی ریاست کسی دوسری ریاست کی سلامتی اور بقا کے لیے خطرہ نہیں بن سکتی۔ انہوں نے کہا کہ ہمارے خطے نے حالیہ عرصے میں زلزلے جیسی سنگین اور غیر معمولی صورتحال دیکھی ہے، جس نے متعدد ممالک کے امن و استحکام کو شدید خطرات سے دوچار کر دیا ہے۔ اس تناظر میں قطر مسلسل فعال سفارت کاری کے ذریعے خطے میں پائیدار امن، سلامتی اور استحکام کی بحالی کے لیے اپنا کردار ادا کر رہا ہے۔

شیخ محمد بن عبدالرحمان الثانی نے تمام علاقائی ممالک پر زور دیا کہ وہ موجودہ چیلنجز کے حل کے لیے آپسی اختلافات اور سیاسی کشیدگی کو فوری طور پر ختم کریں۔ انہوں نے ریاض پر حوثی ملیشیا کے بیلسٹک میزائل حملے کی سخت ترین الفاظ میں مذمت کرتے ہوئے واضح کیا کہ قطری وزارتِ خارجہ نے حوثیوں پر زور دیا ہے کہ وہ سعودی عرب کے خلاف تمام تر جارحانہ حملے فوری طور پر بند کریں۔