پنجاب میں شواہد پر مبنی جدید ٹریفک چالاننگ نظام نافذ
Web Desk
3 July 2026
پنجاب حکومت نے صوبے بھر میں شواہد پر مبنی جدید ٹریفک چالاننگ نظام کا باقاعدہ نفاذ کر دیا ہے، جس کے تحت اب ہر ٹریفک چالان ویڈیو اور تصاویر سمیت مکمل ثبوت کے ساتھ جاری کیا جائے گا۔
ترجمان ٹریفک پولیس کے مطابق، شہریوں کو ٹریفک قوانین کی خلاف ورزی کی صورت میں 8070 سے ایک الرٹ ایس ایم ایس موصول ہوگا، جس میں خلاف ورزی کے ثبوت کا لنک بھی موجود ہوگا۔ شہری اس لنک پر کلک کر کے اپنی ٹریفک خلاف ورزی کی ویڈیو اور تصاویر خود دیکھ سکیں گے۔ صوبے بھر میں ٹریفک پولیس ‘ون ایپ’ کے ذریعے یہ شواہد پر مبنی چالان جاری کرے گی۔ وزیرِ اعلیٰ پنجاب کی خصوصی ہدایات پر نافذ کیے گئے اس نظام کا بنیادی مقصد چالاننگ کے عمل میں شفافیت، انصاف اور شہریوں کے لیے سہولت کو یقینی بنانا ہے۔
ڈی آئی جی ٹریفک پنجاب محمد وقاص نذیر نے اس حوالے سے بتایا کہ اس جدید نظام سے شہریوں اور ٹریفک پولیس کے درمیان ناکہ جات پر ہونے والی غیر ضروری بحث و تکرار کا خاتمہ ہوگا اور دونوں کے وقت کی بچت ہوگی۔ اس کے علاوہ، چالان ادا نہ کرنے والوں کے خلاف مؤثر اور ثبوت پر مبنی قانونی کارروائی بھی ممکن ہو سکے گی۔ انہوں نے مزید کہا کہ جدید ٹیکنالوجی کے استعمال سے ٹریفک پولیس کی عوام دوست خدمات کو بہتر بنایا جا رہا ہے، کیونکہ فوری اور منصفانہ انصاف ہی ایک ترقی یافتہ معاشرے کی بنیاد ہے۔
متعلقہ عنوانات
ہم اعتراف کرنے پر بلاول بھٹو کے مشکور ہیں: ایم کیو ایم کا چیئرمین پی پی کے بیان پر ردعمل
17 November 2026
کراچی کسی کے باپ کی جاگیر نہیں، ہر پاکستانی کو یہاں ترقی میں حصہ لینے کا حق ہے: فاروق ستار
17 November 2026
پرویز الہٰی سے پی ٹی آئی کے ارکان اسمبلی کی ملاقات، سیاسی صورتحال پر تبادلہ خیال
17 November 2026
جامشورو کے گاؤں میں گیسٹرو اور ڈائریا کی وبا پھیل گئی، درجنوں کیسز رپورٹ
17 November 2026
گھریلو ملازمہ فاطمہ ہلاکت کیس، شیری رحمان کا ملزموں کو قرار واقعی سزا کا مطالبہ
17 November 2026
عطا تارڑ طعنے نہ دیں، ہمت ہے تو کہیں پیپلزپارٹی کی ضرورت نہیں: شرجیل میمن
17 November 2026
میر رضا قتل کیس: جے آئی ٹی سربراہ کی اہل خانہ سے ملاقات، تفتیش میں پیشرفت سے آگاہ کیا
17 November 2026
ادویات کی بارکوڈنگ اور سیریلائزیشن لازمی قرار، ڈریپ کا اہم فیصلہ
17 November 2026