پنجاب حکومت کا 40 لاکھ سے زائد خاندانوں کو رمضان کارڈ دینے کا اعلان
Web Desk
17 February 2026
لاہور: پنجاب حکومت نے 40 لاکھ سے زائد خاندانوں کو رمضان کارڈ دینے کا اعلان کر دیا ہے۔ وزیراعلیٰ پنجاب مریم نواز شریف نے کہا کہ مبارک مہینے میں ہر خاندان کو 10، 10 ہزار روپے فراہم کیے جائیں گے اور سہولت بازاروں میں بھی عوام کو ریلیف ملے گا۔
نگہبان رمضان پروگرام کے حوالے سے اجلاس سے خطاب کرتے ہوئے انہوں نے کہا کہ رمضان المبارک رحمت اور رحم کا مہینہ ہے، لیکن پاکستان میں رمضان کی آمد پر اشیاء کی قیمتیں بڑھا دی جاتی ہیں، جبکہ دنیا میں رمضان کے موقع پر خصوصی بچت کاؤنٹر قائم کیے جاتے ہیں۔
مریم نواز نے کہا کہ رمضان میں عوام کو خود حکومت کے پاس نہ آنا پڑے، اس لیے تقریباً 40 لاکھ خاندانوں کو رمضان نگہبان کارڈ دیئے جا رہے ہیں، اور اب تک 4 لاکھ کارڈ تقسیم کیے جا چکے ہیں۔ کارڈ کی ایکٹیویشن کی ضرورت نہیں، اور 9,200 اے ٹی ایم مشینوں سے کیش نکلوایا جا سکتا ہے۔
وزیراعلیٰ نے کہا کہ کوئی کریانہ سٹوروالا اضافی پیسے لے تو فوراً شکایت درج کروائیں، پنجاب پولیس فوراً ایکشن لے گی۔ سہولت بازاروں میں بھی کارڈ کے استعمال کی سہولت دستیاب ہے۔
انہوں نے یہ بھی کہا کہ مسیحی کمیونٹی کو بھی 10 ہزار روپے فراہم کیے جا رہے ہیں اور ذخیرہ اندوزی یا گراں فروشی کرنے والوں کے خلاف پیرا فورس کے اہلکار پورے پنجاب میں موجود ہوں گے۔ رمضان میں پرائس کنٹرول آپریشن مکمل طور پر جاری رہے گا۔
مریم نواز نے کہا کہ تمام سہولت بازار فعال ہیں اور مخیر حضرات خود سے دسترخوان لگائیں گے۔ پنجاب کی 147 تحصیلوں میں تقریباً 300 دسترخوان لگائے جائیں گے، اور مخیر حضرات کو حکومت کی جانب سے سرٹیفکیٹ بھی دیا جائے گا۔
حکومت کے سیل پوائنٹس پر 10 کلو آٹے کا تھیلا 850 روپے میں دستیاب ہوگا، جبکہ عام دکانوں پر 10 کلو آٹے کی قیمت 905 روپے ہے۔ چینی اور گھی کی قیمتیں کم کرنے کی بھی کوشش کی گئی ہے۔
وزیراعلیٰ نے مزید کہا کہ رمضان نگہبان کارڈ کے لیے ہیلپ لائن 1000 شروع کی گئی ہے، جہاں شناختی کارڈ نمبر کے ذریعے 24 گھنٹے میں 10 ہزار روپے ٹرانسفر کیے جائیں گے۔ یہ سروس یکم رمضان سے آپریشنل ہوگی، اور مانیٹرنگ کے لیے کنٹرول رومز قائم کر دیے گئے ہیں۔
مریم نواز شریف نے پنجاب کے ثقافتی تہوار کے حوالے سے بھی کہا کہ بسنت کے موقع پر نظم و ضبط کا بہترین مظاہرہ کیا گیا، جس کی مثال پاکستان میں کم ہی دیکھنے کو ملتی ہے۔
متعلقہ عنوانات
گزشتہ چند گھنٹوں میں حملوں کے دوران 144 حوثی کمانڈرز اور جنگوؤں کو ہلاک یا زخمی کردیا: یمنی فورسز
19 November 2026
شی جن پنگ اور پیوٹن بھی ایران جنگ کا خاتمہ چاہتے ہیں: امریکی صدر
19 November 2026
ایران کیخلاف استعمال ہونے والی ہر سرزمین ہمارا ہدف ہوگی: پاسداران انقلاب کا انتباہ
19 November 2026
خطے کے ممالک جارح قوتوں کو ایران کیخلاف اپنی سرزمین کا استعمال کرنے سے روکیں، ایرانی وزارت خارجہ
19 November 2026
سعودیہ کی کنگ عبداللہ فنانشل ڈسٹرکٹ پر حوثی حملے کی شدید مذمت
19 November 2026
این سی سی آئی اے کا آن لائن جوئے کیخلاف پاکستان کا سب سے بڑا آپریشن، 5 ملزمان گرفتار
19 November 2026
ریاض کے فنانشل ڈسٹرکٹ ٹاور پر حوثیوں کا میزائل حملہ
19 November 2026
نیتن یاہو کی ایران کے خلاف نئی فوجی کارروائی کیلئے کوششیں تیز
19 November 2026