پنجاب بھر سے غیر قانونی مقیم غیر ملکی باشندوں کے انخلا کا عمل تیز

موجودہ سرحدی سکیورٹی صورتحال کے پیشِ نظر پنجاب پولیس نے غیر قانونی طور پر مقیم غیر ملکی باشندوں کے انخلا کا عمل مزید تیز کر دیا ہے۔ ترجمان پنجاب پولیس کے مطابق اب تک لاہور سمیت صوبے کے مختلف اضلاع سے 32 ہزار 588 افغان باشندوں کو ڈی پورٹ کیا جا چکا ہے، جن میں مردوں اور خواتین کے ساتھ بڑی تعداد میں بچے بھی شامل ہیں۔ آئی جی پنجاب عبدالکریم نے تمام افسران کو سکیورٹی ہائی الرٹ رکھنے اور بین الاقوامی قوانین کے تحت انخلا کی پالیسی پر سختی سے عمل درآمد یقینی بنانے کی ہدایت کی ہے۔