پنجاب اسمبلی: 5 اگست 2019 کے کشمیر مخالف بھارتی اقدامات کیخلاف قرارداد جمع

پنجاب اسمبلی میں 05 اگست 2019 کے غیر قانونی اور یکطرفہ بھارتی اقدامات کے خلاف مسلم لیگ (ن) کے چیف وہپ رانا محمد ارشد کی جانب سے ایک مذمتی قرارداد جمع کرا دی گئی ہے۔ قرارداد میں بھارتی حکومت کے آرٹیکل 370 اور آرٹیکل 35A کی منسوخی کو اقوام متحدہ کی قراردادوں اور بین الاقوامی قوانین کی کھلم کھلا خلاف ورزی قرار دیا گیا۔ متن میں کہا گیا کہ پاکستان کے 25 کروڑ عوام کشمیریوں کے حقِ خودارادیت اور آزادی کی جدوجہد میں ان کے ساتھ کھڑے ہیں۔ قرارداد میں عالمی برادری اور اقوام متحدہ سے بھارت پر فوجی قبضہ ختم کرنے اور 05 اگست کے فیصلے واپس لینے کے لیے دباؤ ڈالنے کا مطالبہ کیا گیا۔ مزید برآں، متن میں قائد مسلم لیگ (ن) نواز شریف، وزیراعظم شہباز شریف، وزیراعلیٰ پنجاب مریم نواز اور آرمی چیف فیلڈ مارشل جنرل سید عاصم منیر کی کشمیریوں کی سفارتی و اخلاقی حمایت کو سراہا گیا۔