پی ٹی آئی کا اڈیالہ جیل کے باہر احتجاجی کال، 16 دسمبر کو کارکنان پہنچیں

پی ٹی آئی نے اڈیالہ جیل کے باہر احتجاج کی کال دے دی ہے۔ چیف آرگنائزر پنجاب عالیہ حمزہ ملک نے کارکنان، ایم این ایز اور ایم پی ایز کو ہدایت کی ہے کہ وہ 16 دسمبر کو دوپہر 2 بجے جیل کے باہر پہنچیں۔

عالیہ حمزہ نے کہا کہ بانی چیئرمین کا پیغام قوم تک پہنچنے تک پرامن احتجاج جاری رکھا جائے گا۔ انہوں نے واضح کیا کہ پارٹی پرامن سیاسی جماعت ہے اور پرامن جدوجہد پر یقین رکھتی ہے۔عالیہ حمزہ نے کہا کہ دھمکیوں، واٹر کینن اور دباؤ کا جواب پرامن احتجاج کے ذریعے دیا جائے گا اور سردی یا رات کی پرواہ کیے بغیر کارکنان اڈیالہ جیل کے باہر موجود رہیں گے۔ انہوں نے کارکنان کو آئینی اور قانونی دائرے میں رہنے کی ہدایت بھی کی۔انہوں نے مزید کہا کہ اپنے قائد سے اظہار یکجہتی جمہوری حق ہے اور اسی کے تحت احتجاج کیا جائے گا