بانی پی ٹی آئی سے ملاقات کا دن، فہرست جیل حکام کو ارسال

پاکستان تحریک انصاف (پی ٹی آئی) کی جانب سے بانی پی ٹی آئی عمران خان اور ان کی اہلیہ بشریٰ بی بی سے ملاقات کے لیے 6 وکلا اور اہلخانہ کی فہرست اڈیالہ جیل حکام کے حوالے کر دی گئی ہے۔ فہرست کے مطابق ملاقات کرنے والے وکلا میں بیرسٹر گوہر خان، سلمان اکرم راجہ، خالد یوسف چودھری، نیازاللہ نیازی، نعیم پنجوتھہ اور فتح اللہ برکی شامل ہیں۔ علاوہ ازیں بانی پی ٹی آئی سے ملاقات کے لیے ان کی بہنیں جبکہ بشریٰ بی بی سے ملاقات کے لیے ان کے اہلخانہ کی اڈیالہ جیل آمد متوقع ہے۔