LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن 12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال محسن نقوی کا نادرا سنٹر پیکو روڈ کا دورہ، مسائل کے حل کیلیے موقع پر ہی احکامات جاری سرکاری قرضوں میں ایک سال کے دوران 6 ہزار 200 ارب روپے کا بھاری اضافہ ایران اور روس کے درمیان جوہری تعاون جاری رہے گا: روسی عہدیدار پرتگال کے وزیر مملکت اور وزیر خارجہ پاؤلو رینجل پاکستان پہنچ گئے لاڑکانہ میں ضمنی بلدیاتی انتخابات کیلئے 3 حلقوں میں پولنگ کا عمل شروع پاکستان کی بھارت سمیت تمام ایس سی او ممالک کو مکالمے کی دعوت پاسدارانِ انقلاب کا ڈرون حملوں میں امریکی پیٹریاٹ نظام کے 2 ریڈار تباہ کرنے کا دعویٰ

پی ٹی آئی کو انتہا پسندی چھوڑ کر سیاست کے دائرے میں آنا چاہئے: بلاول بھٹو

Web Desk

28 December 2025

چیئرمین پاکستان پیپلز پارٹی بلاول بھٹو زرداری نے کہا ہے کہ ملک کو درپیش معاشی اور سیاسی چیلنجز کا حل انتہا پسندی نہیں بلکہ مفاہمت اور سیاسی استحکام میں ہے۔ انہوں نے کہا کہ پاکستان تحریک انصاف (پی ٹی آئی) کو انتہا پسندانہ طرزِ سیاست ترک کر کے جمہوری حدود میں واپس آنا چاہیے، کیونکہ حقیقی ترقی اور پائیدار استحکام اسی راستے سے ممکن ہے۔

لاڑکانہ میں میڈیا سے گفتگو کرتے ہوئے بلاول بھٹو زرداری نے کہا کہ وفاقی حکومت کو معاشی بحران اور مالی گنجائش (فسکل اسپیس) کے مسائل کے حل کے لیے پبلک پرائیویٹ پارٹنرشپ (پی پی پی) ماڈل کو ترجیح دینی چاہیے۔ ان کا کہنا تھا کہ اگر وفاقی حکومت معاشی بحران کو مؤثر انداز میں ایڈریس کرنا چاہتی ہے تو اس ماڈل سے نمایاں مدد مل سکتی ہے۔

چیئرمین پیپلز پارٹی نے کہا کہ وفاقی حکومت کو سندھ حکومت کی پبلک پرائیویٹ پارٹنرشپ سے متعلق کامیابیوں سے سیکھنا چاہیے، کیونکہ یہ ماڈل نہ صرف مؤثر ثابت ہوا ہے بلکہ عالمی سطح پر بھی اس کی پذیرائی ہوئی ہے۔ انہوں نے بتایا کہ سندھ حکومت کے پی پی پی ماڈل کو معروف عالمی جریدے اکانومسٹ نے خطے میں چھٹا نمبر دیا ہے، جو اس بات کا ثبوت ہے کہ یہ ماڈل وفاق اور دیگر صوبوں میں بھی کامیابی سے نافذ کیا جا سکتا ہے۔

بلاول بھٹو زرداری نے وزیراعظم میاں محمد شہباز شریف کا شکریہ ادا کرتے ہوئے کہا کہ وہ بے نظیر بھٹو شہید کی 18ویں برسی کے موقع پر گڑھی خدا بخش آئے۔ ان کے مطابق یہ ملاقات صرف برسی کے حوالے سے تھی اور اس میں کسی قسم کی سیاسی گفتگو نہیں ہوئی۔

انہوں نے کہا کہ سیاسی جماعتوں کو سیاسی مسائل کے حل کے لیے سیاسی راستے اختیار کرنے چاہئیں۔ اگر تمام سیاسی قوتیں مل کر ایسا ماحول بنائیں جس میں سیاست کے لیے مزید گنجائش پیدا ہو تو یہ پاکستان اور عوام کے مفاد میں ہوگا۔ ان کا کہنا تھا کہ معاشی مشکلات اور قومی سلامتی جیسے بڑے مسائل کا طویل المدتی حل کسی ایک جماعت کی طویل حکمرانی نہیں بلکہ حقیقی اور پائیدار سیاسی استحکام ہے۔

چیئرمین پیپلز پارٹی نے کہا کہ وہ شہید بینظیر بھٹو کی برسی پر انہی کے نظریے اور منشور کے مطابق بات کر رہے ہیں۔ ان کے مطابق بینظیر بھٹو کا سیاسی پیغام مفاہمت پر مبنی تھا اور آج بھی پاکستان کو اسی سوچ کی ضرورت ہے۔ انہوں نے کہا کہ اگر سیاست انتہا پسندی پر مبنی ہوگی تو اس کے ردعمل میں سختی پر شکایت مناسب نہیں، اور کسی گرفتاری یا قانونی کارروائی کے ردعمل میں قومی اداروں پر حملے درست نہیں۔