LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
گزشتہ چند گھنٹوں میں حملوں کے دوران 144 حوثی کمانڈرز اور جنگوؤں کو ہلاک یا زخمی کردیا: یمنی فورسز شی جن پنگ اور پیوٹن بھی ایران جنگ کا خاتمہ چاہتے ہیں: امریکی صدر ایران کیخلاف استعمال ہونے والی ہر سرزمین ہمارا ہدف ہوگی: پاسداران انقلاب کا انتباہ خطے کے ممالک جارح قوتوں کو ایران کیخلاف اپنی سرزمین کا استعمال کرنے سے روکیں، ایرانی وزارت خارجہ سعودیہ کی کنگ عبداللہ فنانشل ڈسٹرکٹ پر حوثی حملے کی شدید مذمت این سی سی آئی اے کا آن لائن جوئے کیخلاف پاکستان کا سب سے بڑا آپریشن، 5 ملزمان گرفتار ریاض کے فنانشل ڈسٹرکٹ ٹاور پر حوثیوں کا میزائل حملہ نیتن یاہو کی ایران کے خلاف نئی فوجی کارروائی کیلئے کوششیں تیز کوہاٹ میں سونے کی غیر قانونی کان کنی کے الزامات: سینیٹر خرم ذیشان کا گورنر کے پی فیصل کریم کنڈی کو 5 کروڑ ہرجانے کا نوٹس بھیجنے کا فیصلہ کوٹ لکھپت جیل میں قید پی ٹی آئی قیادت کا چیف جسٹس پاکستان اور چیف جسٹس آئی ایچ سی کو خط، عدالتی احکامات پر عملدرآمد کا مطالبہ پٹرول ایک روپیہ فی لٹر مہنگا، ڈیزل کی قیمت برقرار زرمبادلہ کے ذخائر میں 1.50 کروڑ ڈالر کا اضافہ ریکارڈ ابوظہبی عدالت کا بائنانس کے 6.5 ارب ڈالر کے اثاثے منجمد کرنے کا حکم صومالیہ کا اماراتی سفیر کو 72 گھنٹوں میں ملک چھوڑنے کا حکم، اپنا سفیر بھی واپس بلا لیا بابا گرو نانک کے جنم دن کی تقریبات، ننکانہ صاحب میں تعلیمی ادارے بند رکھنے کا اعلان

تحریک تحفظ آئین پاکستان کی بورڈ آف پیس میں شمولیت اور پنجاب حکومت کے 10 ارب روپے کے جہاز پر تنقید

Web Desk

22 February 2026

خیبرپختونخوا ہاؤس میں تحریک تحفظ آئین پاکستان کی مرکزی قیادت نے اہم پریس کانفرنس کی، جس میں سینئر سیاستدان مصطفیٰ نواز کھوکھر اور تیمور سلیم جھگڑا نے خطاب کیا۔

مصطفیٰ نواز کھوکھر نے کہا کہ ہمارے ہمسایہ ملک پر جنگ کے بادل منڈلا رہے ہیں اور امریکہ کی جانب سے دو جنگی بحری بیڑے روانہ کیے گئے ہیں۔ ان کے مطابق 2003 کے بعد یہ سب سے بڑی عسکری نقل و حرکت ہے اور ایران میں نظام کی تبدیلی کی کوشش کی جا رہی ہے، مگر اس کے پاکستان پر اثرات پر کوئی سنجیدہ بحث نہیں ہو رہی۔

انہوں نے بورڈ آف پیس میں شرکت کے حوالے سے کسی کو اعتماد میں نہ لینے پر تشویش ظاہر کی اور کہا کہ گارڈین اخبار کے مطابق اس فورم میں آمروں یا ان کے نمائندے شامل تھے، جبکہ چین اور برطانیہ اس میں شریک نہیں ہوئے۔ انہوں نے روز ویلٹ ہوٹل کے معاملے پر بھی وضاحت طلب کی کہ یہ فیصلہ کس بنیاد پر کیا گیا۔

مصطفیٰ نواز کھوکھر نے کہا کہ موجودہ نظام عوام کے لیے مفید ثابت نہیں ہوا، امن و امان کی صورتحال خراب ہے اور اگر یہی روش جاری رہی تو ملک کی بنیادیں ہل سکتی ہیں۔ انہوں نے مطالبہ کیا کہ شفاف انتخابات کرائے جائیں، سیاسی قیدیوں کو رہا کیا جائے اور بانی تحریک انصاف کو بہترین طبی سہولیات فراہم کی جائیں۔

پریس کانفرنس سے خطاب کرتے ہوئے تیمور سلیم جھگڑا نے کہا کہ پنجاب حکومت نے 10 ارب روپے کا جہاز خریدا ہے جو خصوصی پروازوں کے لیے استعمال ہوتا ہے، جبکہ عوام کے پاس بنیادی ضروریات کے لیے بھی وسائل نہیں۔ انہوں نے مہنگی گاڑیاں اور لاکھوں روپے ماہانہ ایندھن کی اجازت دینے پر بھی شدید تنقید کی۔

رہنماؤں نے کہا کہ موجودہ حکومت کے دعوے غلط ثابت ہوئے ہیں، چار سال گزرنے کے باوجود معیشت میں کوئی نمایاں بہتری نہیں آئی، اور نیشنل پوورٹی رپورٹ کے مطابق غربت میں اضافہ ہوا ہے۔ امیر اور غریب کے درمیان فرق بھی تاریخ کی بلند ترین سطح پر پہنچ گیا ہے۔

انہوں نے زور دیا کہ آئین پر مکمل عمل، شفاف انتخابات اور جمہوری اقدار کی بحالی ہی ملک کو بحرانوں سے نکال سکتی ہے۔