گلگت بلتستان الیکشن : فارم 45 کے مطابق پی ٹی آئی کو برتری حاصل ہے، شفیع جان

خیبرپختونخوا کے وزیر اطلاعات شفیع جان نے دعویٰ کیا ہے کہ گلگت بلتستان اسمبلی کے انتخابات میں موصول ہونے والے ابتدائی فارم 45 کے مطابق پی ٹی آئی کو برتری حاصل ہے۔

انہوں نے کہا کہ انتخابی عمل اپنے آخری مرحلے میں داخل ہو چکا ہے اور اب ووٹوں کے تحفظ اور نتائج کے جائزے کا وقت ہے۔

شفیع جان کے مطابق زمینی صورتحال میں پی ٹی آئی دیگر سیاسی جماعتوں کے مقابلے میں نمایاں پوزیشن پر ہے۔

ان کا کہنا تھا کہ عوام کو انتخابی نتائج کے عمل پر نظر رکھنی چاہیے تاکہ شفافیت یقینی بنائی جا سکے۔

انہوں نے مزید کہا کہ مختلف علاقوں میں موصول ہونے والے فارم 45 کے مطابق پی ٹی آئی کی پوزیشن بہتر نظر آ رہی ہے۔