اڈیالہ جیل میں بانی پی ٹی آئی اور بشریٰ بی بی کی ملاقات کرا دی گئی

اڈیالہ جیل میں بانی پی ٹی آئی عمران خان کی ان کی اہلیہ بشریٰ بی بی سے اہم ملاقات کروائی گئی ہے۔ جیل ذرائع کے مطابق دونوں شخصیات کے درمیان یہ ملاقات جیل کے کانفرنس روم میں ہوئی جو تقریباً 35 منٹ تک جاری رہی۔ ملاقات کے دوران بانی پی ٹی آئی اور بشریٰ بی بی نے اپنی صحت، خیریت اور دیگر باہمی امور پر تفصیلی تبادلہ خیال کیا۔ ذرائع نے مزید بتایا کہ ملاقات کا وقت ختم ہونے پر دونوں کو واپس ان کے اپنے اپنے سیلز میں منتقل کر دیا گیا۔