بانی پی ٹی آئی سے ملاقات کیلئے وکلا کی فہرست جیل حکام کے حوالے

بانی پی ٹی آئی سے جیل میں ملاقات کا معاملہ، بانی پی ٹی آئی کے قانونی فوکل پرسن اویس یونس چوہدری ایڈووکیٹ نے ملاقات کرنے والے رہنماؤں اور افراد کی باضابطہ فہرست متعلقہ جیل حکام کے سپرد کر دی ہے۔

جیل انتظامیہ کو جمع کروائی گئی اس نئی فہرست میں تحریک انصاف کے مختلف رہنماؤں اور کارکنان کے نام شامل کیے گئے ہیں۔ فہرست میں نمایاں ناموں میں عبداللہ نواز مرل، فیاض ڈوگر، اظہر محمود اور علی خان نیازی شامل ہیں۔ اس کے علاوہ رضوان ماجد بٹ اور محمد عمران عباسی کے نام بھی اس ملاقاتی فہرست کا حصہ بنائے گئے ہیں، جنہیں جیل قوانین اور ضوابط کے تحت بانی پی ٹی آئی سے ملاقات کی اجازت دی جائے گی۔