ایس ایم ڈبلیو 5 سب میرین کیبل میں خرابی، انٹرنیٹ سروسز متاثر ہونے کا خدشہ

پاکستان ٹیلی کمیونیکیشن اتھارٹی (پی ٹی اے) نے ملک بھر میں انٹرنیٹ سروسز میں سست روی کی وجہ بتاتے ہوئے تصدیق کی ہے کہ بین الاقوامی سب میرین کیبل سسٹم ایس ایم ڈبلیو 5 (SMW-5) میں اچانک تکنیکی خرابی پیدا ہو گئی ہے۔ اس خرابی کے باعث بین الاقوامی انٹرنیٹ ٹریفک میں خلل آیا ہے، جس سے صارفین کو انٹرنیٹ کے معیار اور کنیکٹیویٹی میں وقفے وقفے سے مسائل کا سامنا کرنا پڑ سکتا ہے۔

پی ٹی اے کی جانب سے جاری کردہ اعلامیے کے مطابق، ادارہ ملکی صورتحال کی مسلسل نگرانی کر رہا ہے۔ انٹرنیٹ فراہم کرنے والی کمپنی ٹرانس ورلڈ ایسوسی ایٹ اس خرابی کی اصل وجہ معلوم کرنے اور اسے دور کرنے کے لیے ایس ایم ڈبلیو 5 کنسورشیم کے ساتھ مسلسل رابطے میں ہے۔

اعلامیے میں صارفین کو یقین دہانی کرائی گئی ہے کہ ملک میں انٹرنیٹ سروس کے تسلسل کو برقرار رکھنے کے لیے متاثرہ ٹریفک کو فوری طور پر دستیاب متبادل بین الاقوامی لنکس پر منتقل کیا جا رہا ہے۔ پی ٹی اے کا کہنا ہے کہ جب تک ملک بھر میں انٹرنیٹ سروسز مکمل طور پر بحال نہیں ہو جاتیں، تب تک صورتحال کی سخت نگرانی جاری رکھی جائے گی تاکہ صارفین کو کم سے کم پریشانی کا سامنا ہو۔

ایس ایم ڈبلیو 5 سب میرین کیبل میں خرابی، انٹرنیٹ سروسز متاثر ہونے کا خدشہ

Web Desk

متعلقہ عنوانات

پی ایس 30 خیرپور پر ضمنی انتخاب 16 اگست کو ہوگا، شیڈول جاری

گوجرانوالہ میں 4 سالہ بچی کو گھر والوں نے جادو کے چکر میں زندہ جلاکر مار ڈالا

ایئر چیف کا دورۂ بیلاروس، پاکستان دفاعی تعاون کے نئے مرحلے میں داخل

2027 سارک گیمز کی تیاریوں کے لئے سیکرٹریٹ قائم کرنے کا فیصلہ

سٹیٹ بینک کے زرمبادلہ ذخائر میں61 کروڑ 10 لاکھ ڈالر کا اضافہ

ای سی سی نے پاسکو کی مرحلہ وار بندش سے متعلق اہم فیصلوں کی منظوری دے دی

مون سون بارشوں کے پیش نظر سکولوں کے لیے حفاظتی ہدایات جاری