پاکستان سٹاک مارکیٹ میں زبردست تیزی، 2700 سے زائد پوائنٹس کا اضافہ

امریکی صدر ڈونلڈ ٹرمپ کی جانب سے ایران کے ساتھ مذاکرات کے آغاز کے اعلان کے بعد عالمی مارکیٹ کے مثبت اثرات پاکستان اسٹاک ایکسچینج (PSX) پر بھی دیکھنے کو ملے۔ ہفتے کے پہلے کاروباری روز اسٹاک مارکیٹ میں شدید تیزی ریکارڈ کی گئی، جہاں 100 انڈیکس میں 2,700 سے زائد پوائنٹس کا شاندار اضافہ دیکھنے میں آیا۔ اس تیزی کے نتیجے میں پاکستان اسٹاک ایکسچینج کا ہنڈرڈ انڈیکس 178,985 پوائنٹس کی اعلیٰ ترین سطح پر پہنچ گیا۔ واضح رہے کہ گزشتہ کاروباری ہفتے کے آخری روز کاروبار کے اختتام پر انڈیکس 176,094 پوائنٹس کی سطح پر بند ہوا تھا، تاہم عالمی تناظر میں بہتری کے باعث سرمائے کے حجم میں بڑا اضافہ ہوا ہے۔