پاکستان سٹاک ایکسچینج میں مندی کا تسلسل برقرار

پاکستان اسٹاک ایکسچینج میں مندی کا تسلسل برقرار ہے اور کاروباری ہفتے کے چوتھے روز بھی مارکیٹ شدید دباؤ کا شکار نظر آئی۔ کاروبار کے آغاز پر ہی ہنڈرڈ انڈیکس میں 1500 سے زائد پوائنٹس کی بڑی کمی دیکھی گئی، جس کے بعد انڈیکس ایک لاکھ 62 ہزار 953 پوائنٹس کی سطح پر آ گیا ہے۔ مارکیٹ ماہرین کے مطابق سرمایہ کاروں کی جانب سے منافع خوری کے رجحان اور معاشی بے یقینی نے انڈیکس کو متاثر کیا ہے۔ یاد رہے کہ گزشتہ روز انڈیکس ایک لاکھ 64 ہزار 626 پوائنٹس پر بند ہوا تھا۔