پاکستان سٹاک مارکیٹ میں کاروبار کا مثبت زون میں آغاز

پاکستان اسٹاک مارکیٹ میں کاروباری ہفتے کے دوسرے روز زبردست تیزی دیکھنے میں آئی ہے، جہاں کے-ایس-ای 100 انڈیکس 500 سے زائد پوائنٹس کے نمایاں اضافے کے ساتھ 1,78,768 کی نئی سطح پر پہنچ گیا۔ مارکیٹ ذرائع کے مطابق کاروبار کے آغاز سے ہی سرمایہ کاروں کی جانب سے مثبت پیشرفت اور خریداری میں دلچسپی دیکھی گئی، جس کے باعث انڈیکس میں مسلسل بہتری ریکارڈ کی گئی۔ واضح رہے کہ گزشتہ کاروباری دن کے اختتام پر 100 انڈیکس 1,78,200 پوائنٹس کی سطح پر بند ہوا تھا، تاہم نئی پیشرفت نے سرمایہ کاروں کے اعتماد کو مزید مستحکم کر دیا ہے۔