سٹاک مارکیٹ میں تیزی، کاروبار کا مثبت رجحان رہا

پاکستان اسٹاک ایکسچینج (PSX) میں کاروباری ہفتے کے پہلے روز شدید تیزی کا رجحان ریکارڈ کیا گیا ہے۔ کاروبار کے آغاز پر سرمایہ کاروں کی جانب سے مثبت خریداریاں دیکھنے میں آئیں، جس کے نتیجے میں کے ایس ای 100 انڈیکس میں ایک ہی وقت میں 800 سے زائد پوائنٹس کا اضافہ ہوا اور انڈیکس 1 لاکھ 71 ہزار 732 پوائنٹس کی اونچی سطح کو چھو گیا۔

دن بھر کی ٹریڈنگ کے دوران مارکیٹ میں اتار چڑھاؤ کے بعد مثبت رجحان برقرار رہا اور کاروباری روز کے اختتام پر 100 انڈیکس 268 پوائنٹس کے اضافے کے ساتھ 1 لاکھ 71 ہزار 153 پوائنٹس کی سطح پر بند ہوا۔ واضح رہے کہ اس سے قبل گزشتہ کاروباری ہفتے کے آخری روز بھی اسٹاک مارکیٹ میں 1,841 پوائنٹس کا بڑا اضافہ ریکارڈ کیا گیا تھا اور انڈیکس 1 لاکھ 70 ہزار 884 پوائنٹس پر بند ہوا تھا۔