نیویارک : پی ایس ایل ٹرافی ٹور اور پلیئرز فین مومنٹ ایونٹ کا اعلان، مداحوں کو خصوصی دعوت

پاکستان کرکٹ بورڈ (پی سی بی) نے اعلان کیا ہے کہ اتوار 14 دسمبر کو نیویارک میں ایچ بی ایل پی ایس ایل ٹرافی ٹور اور پلیئرز فین مومنٹ ایونٹ منعقد ہوگا۔

پریس ریلیز کے مطابق پاکستان کرکٹ ٹیم کے کھلاڑی شام 5:30 بجے ٹائمز اسکوائر پر موجود ہوں گے اور پاکستان سپر لیگ کی گلوبل اسپرٹ کو مداحوں کے ساتھ منائیں گے۔

پریس ریلیز میں نیویارک میں موجود پاکستان کرکٹ اور ایچ بی ایل پی ایس ایل کے مداحوں کو اس منفرد فین انگیجمنٹ مومنٹ میں شرکت کی دعوت دی گئی ہے، تاکہ وہ اپنے پسندیدہ کھلاڑیوں کے ساتھ وقت گزار سکیں اور ٹرافی کی رونق کا حصہ بنیں۔

پی سی بی کا کہنا ہے کہ اس موقع پر مداحوں کے لیے خصوصی سرگرمیاں اور فوٹو سیشن بھی دستیاب ہوں گے، تاکہ فینز کو ایک یادگار تجربہ فراہم کیا جا سکے۔