پی ایس ایل 11: ڈرافٹ 30 جنوری کو متوقع، فرنچائزز کے نمائندے تیار

پاکستان سپر لیگ 11 کے ڈرافٹ کے انعقاد کی تیاریاں مکمل کی جا رہی ہیں، جبکہ مزید دو ٹیموں کے شامل ہونے کے بعد لیگ کی فہرست مکمل ہو گئی ہے۔

ذرائع کے مطابق ڈرافٹ 30 جنوری کو ہو سکتا ہے، جس کے لیے پی ایس ایل مینجمنٹ نے تمام انتظامات پہلے ہی طے کر لیے ہیں۔ ڈرافٹ کی باضابطہ تاریخ اور مقام جلد اعلان کیے جائیں گے۔

ڈرافٹ کے دوران تمام 8 فرنچائزز کے مالکان اور ٹیم کے نمائندے موجود ہوں گے تاکہ کھلاڑیوں کے انتخاب کو حتمی شکل دی جا سکے۔

پی ایس ایل مینجمنٹ نے بتایا کہ ڈرافٹ پاکستان اور آسٹریلیا کے درمیان ٹی ٹوئنٹی سیریز کے ایک روز کے وقفے میں ہوگا۔

اب لیگ میں لاہور قلندرز، کراچی کنگز، پشاور زلمی، کوئٹہ گلیڈی ایٹرز، اسلام آباد یونائیٹڈ، ملتان سلطانز کے ساتھ سیالکوٹ اور حیدرآباد کی ٹیمیں بھی شامل ہیں۔