نیویارک کی ممتاز پاکستانی شخصیت اور APPAC کے بورڈ ممبر طارق خان فلوریڈا میں انتقال کر گئے

پاکستانی امریکن کمیونٹی نیویارک کی ممتاز و معروف شخصیت اور امریکن پاکستانی پبلک افیئرز کمیٹی (APPAC) کے بورڈ ممبر طارق خان فلوریڈا میں اچانک دل کا دورہ پڑنے سے انتقال کر گئے ہیں۔ ذرائع کے مطابق طارق خان فلوریڈا میں موجود تھے جہاں کھیل کے بعد رات کو ان کی طبیعت اچانک بگڑ گئی اور انہیں شدید سانس اور دل میں تکلیف محسوس ہوئی۔

اہلیہ کی جانب سے ایمبولینس کی آمد اور طبی امداد کی کوششوں کے باوجود طارق خان داعیِ اجل کو لبیک کہہ گئے۔ مرحوم کی میت کو فلوریڈا سے نیویارک منتقل کیا جائے گا جہاں ان کی نمازِ جنازہ اور تدفین کی جائے گی۔ اے پی پیک (APPAC) کی قیادت، بورڈ ممبران اور نیویارک کی پاکستانی کمیونٹی نے طارق خان کے اچانک انتقال پر گہرے دکھ اور افسوس کا اظہار کرتے ہوئے اسے کمیونٹی کے لیے بڑا اور ناقابلِ تلافی نقصان قرار دیا ہے