وزیراعظم شہباز شریف کی صدر اردوان سےملاقات، پاک ترک تعلقات مزید مستحکم بنانے پر اتفاق

وزیراعظم محمد شہباز شریف نےباکو میں یومِ فتح کی پریڈ کے موقع پر صدر ترکیہ رجب طیب ایردوان سے ملاقات کی، جس میں چیف آف آرمی اسٹاف فیلڈ مارشل سید عاصم منیر بھی موجود تھے۔

ملاقات کے دوران دونوں رہنماؤں نے پاکستان اور ترکیہ کے درمیان دوطرفہ تعلقات کے تمام پہلوؤں کا جائزہ لیا اور باہمی دلچسپی کے شعبوں میں تعاون کو مزید گہرا کرنے کے عزم کا اعادہ کیا۔ وزیراعظم نے ترکیہ کے یومِ جمہوریہ کے موقع پر صدر اردوان اور ترکی عوام کو تہنیتی مبارکباد دی اور پاکستان-ترکی تعلقات کی طویل اور پرجوش تاریخ کو سراہا، جو دونوں ممالک کے درمیان گہرے اور پائیدار روابط کی عکاسی کرتی ہے۔

وزیراعظم نے ترکیہ کے ساتھ برادرانہ تعلقات کو سیاسی، دفاعی، اقتصادی، تجارتی، سرمایہ کاری اور عوام سے عوام کے رابطوں پر مشتمل وسیع شراکت داری میں تبدیل کرنے کے پاکستان کے عزم پر زور دیا اور اس حوالے سے یہ بھی طے پایا کہ ترکیہ کا ایک وزارتی وفد جلد ہی پاکستان کا دورہ کرے گا۔

دونوں رہنماؤں نے علاقائی اور بین الاقوامی مسائل پر قریبی رابطہ کاری جاری رکھنے پر اتفاق کیا اور خطے اور مسلم دنیا میں امن، استحکام اور خوشحالی کو فروغ دینے کے لیے اپنی مشترکہ خواہش کا اعادہ کیا۔

وزیراعظم شہباز شریف کی صدر اردوان سےملاقات، پاک ترک تعلقات مزید مستحکم بنانے پر اتفاق

Web Desk

متعلقہ عنوانات

ٹرمپ کی جانب سے روس پر مجوزہ پابندیاں ختم کرنے کے بعد تیل کی قیمتوں میں کمی

قطر نے ہمیشہ مذاکرات کو ترجیح دی، پاکستان سفارتی کوششوں کو سراہتا ہے: محسن نقوی

وزیراعلیٰ خیبرپختونخوا سہیل آفریدی اور اسپیکر صوبائی اسمبلی کی مبینہ حراست: اپوزیشن نے قومی اسمبلی میں تحریکِ التوا جمع کرا دی

پاور اور گیس شعبوں کا مجموعی گردشی قرضہ 5306 ارب روپے کی ریکارڈ سطح پر پہنچ گیا

شہباز شریف نے وزیراعظم آزاد کشمیر کو وزیراعظم ہاؤس طلب کر لیا

قطر کا جلد نئی علاقائی دفاعی شراکت داری کے اعلان کا فیصلہ

فضل الرحمان سیاسی مقاصد کیلئے اداروں کو نشانہ بنا رہے ہیں: حنیف عباسی

حملوں کا خطرہ، امریکا کا مشرق وسطیٰ میں اپنے شہریوں کیلئے سکیورٹی الرٹ