سری لنکا کیخلاف سیریز میں کامیابی، وزیراعظم کی قومی ٹیم کو مبارکباد

وزیراعظم محمد شہباز شریف نے پاکستان کرکٹ ٹیم کی سری لنکا کے خلاف ون ڈے سیریز جیتنے پر خوشی کا اظہار کیا ہے۔
وزیراعظم نے کہا کہ پاکستان کرکٹ ٹیم کے تمام کھلاڑیوں، کوچز اور مینجمنٹ بالخصوص چیئرمین پی سی بی سید محسن رضا نقوی نے جو عزم، محنت اور ٹیم اسپِرٹ کا مظاہرہ کیا ہے، وہ قابلِ فخر ہے۔
انہوں نے مزید کہا کہ اس کامیابی نے پورے ملک کا سر فخر سے بلند کر دیا ہے۔ وزیراعظم نے ٹیم کے لیے نیک خواہشات کا اظہار کرتے ہوئے امید ظاہر کی کہ وہ آئندہ بھی اسی جذبے اور بہترین کارکردگی کے ساتھ ملک و قوم کا نام روشن کرتے رہیں گے