LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
گزشتہ چند گھنٹوں میں حملوں کے دوران 144 حوثی کمانڈرز اور جنگوؤں کو ہلاک یا زخمی کردیا: یمنی فورسز شی جن پنگ اور پیوٹن بھی ایران جنگ کا خاتمہ چاہتے ہیں: امریکی صدر ایران کیخلاف استعمال ہونے والی ہر سرزمین ہمارا ہدف ہوگی: پاسداران انقلاب کا انتباہ خطے کے ممالک جارح قوتوں کو ایران کیخلاف اپنی سرزمین کا استعمال کرنے سے روکیں، ایرانی وزارت خارجہ سعودیہ کی کنگ عبداللہ فنانشل ڈسٹرکٹ پر حوثی حملے کی شدید مذمت این سی سی آئی اے کا آن لائن جوئے کیخلاف پاکستان کا سب سے بڑا آپریشن، 5 ملزمان گرفتار ریاض کے فنانشل ڈسٹرکٹ ٹاور پر حوثیوں کا میزائل حملہ نیتن یاہو کی ایران کے خلاف نئی فوجی کارروائی کیلئے کوششیں تیز کوہاٹ میں سونے کی غیر قانونی کان کنی کے الزامات: سینیٹر خرم ذیشان کا گورنر کے پی فیصل کریم کنڈی کو 5 کروڑ ہرجانے کا نوٹس بھیجنے کا فیصلہ کوٹ لکھپت جیل میں قید پی ٹی آئی قیادت کا چیف جسٹس پاکستان اور چیف جسٹس آئی ایچ سی کو خط، عدالتی احکامات پر عملدرآمد کا مطالبہ پٹرول ایک روپیہ فی لٹر مہنگا، ڈیزل کی قیمت برقرار زرمبادلہ کے ذخائر میں 1.50 کروڑ ڈالر کا اضافہ ریکارڈ ابوظہبی عدالت کا بائنانس کے 6.5 ارب ڈالر کے اثاثے منجمد کرنے کا حکم صومالیہ کا اماراتی سفیر کو 72 گھنٹوں میں ملک چھوڑنے کا حکم، اپنا سفیر بھی واپس بلا لیا بابا گرو نانک کے جنم دن کی تقریبات، ننکانہ صاحب میں تعلیمی ادارے بند رکھنے کا اعلان

ایک انجکشن سے نظر ٹھیک ہو گئی ، یہ کوئی جادو تھا،علیمہ خان

Web Desk

17 February 2026

راولپنڈی/اسلام آباد: علیمہ خان نے پریس کانفرنس سے خطاب کرتے ہوئے کہا کہ آج انہیں چکری کے مقام پر روک لیا گیا اور شام چار بجے تک آگے جانے کی اجازت نہیں دی گئی، حالانکہ ان کے بقول آج پریس کانفرنس کرنا ضروری تھا تاکہ بانی چیئرمین کی صحت سے متعلق صورتحال پر بات کی جا سکے۔

انہوں نے کہا کہ بشریٰ بی بی کے ذریعے پیغام ملا کہ بانی چیئرمین نے آنکھوں کی تکلیف کی شکایت کی ہے اور وہ چاہتے ہیں کہ ڈاکٹر فیصل اور ڈاکٹر عاصم کو ان تک رسائی دی جائے۔ ان کے مطابق بانی چیئرمین نے کہا کہ ان کا بلڈ ٹیسٹ انہیں دکھایا جائے اور وہ دو ہفتوں سے نظر کم آنے کی شکایت کرتے رہے ہیں۔

علیمہ خان نے جیل انتظامیہ پر سوال اٹھاتے ہوئے کہا کہ اگر اتنے کیمرے نصب ہیں تو سپرنٹنڈنٹ کو کیسے علم نہ ہوا کہ بانی چیئرمین کو نظر نہیں آ رہی۔ ان کے مطابق یہ محض “کریمنل نگلیجنس” نہیں بلکہ “کریمنل ایکٹ” ہے۔

انہوں نے کہا کہ ڈاکٹروں کی رائے تھی کہ بہترین علاج کے لیے شفا انٹرنیشنل ہسپتال منتقل کیا جائے، جہاں ذاتی ڈاکٹرز اور فیملی ممبران کو ساتھ ہونے کی اجازت ہو۔ ان کے بقول اس حوالے سے یہ بھی کنفیوژن پیدا ہوئی کہ مریض کو راولپنڈی یا اسلام آباد کے کس اسپتال لے جایا جائے۔

پریس کانفرنس کے دوران ڈاکٹر عظمیٰ خان نے کہا کہ جو میڈیکل رپورٹ جاری کی گئی وہ نامکمل ہے کیونکہ اس میں صرف کلینیکل ایگزامینیشن درج ہے، واضح تشخیص (ڈایگناسز) اور ٹریٹمنٹ پلان شامل نہیں۔ انہوں نے کہا کہ ایک انجکشن سے فوری طور پر نظر درست ہو جانا ممکن نہیں اور اس کی باقاعدہ مانیٹرنگ ضروری ہوتی ہے۔

اسی موقع پر نورین نیازی نے الزام عائد کیا کہ پہلے ملاقاتیں بند کی گئیں اور پھر بانی چیئرمین کو فیملی کی رضامندی کے بغیر پمز ہسپتال منتقل کیا گیا۔ ان کے مطابق اگر بروقت علاج نہ کیا گیا تو احتجاج کا دائرہ وسیع کیا جائے گا۔

رہنماؤں نے کہا کہ بانی چیئرمین کی آنکھ کے مسئلے کا شفاف اور فوری حل نکالا جائے، بصورت دیگر قانونی اور عوامی سطح پر بھرپور ردعمل دیا جائے گا۔