حکومت کا پی ٹی ائی سے مذاکرات کا اعلان ،پیپلز پارٹی اور ن لیگ مشرکہ مذاکرات کرے گے

ایوانِ صدر اسلام آباد میں صدرِ مملکت آصف علی زرداری اور وزیراعظم محمد شہباز شریف کے درمیان اہم ملاقات ہوئی، جس میں ملک کی مجموعی سیاسی اور سیکیورٹی صورتحال پر تفصیلی تبادلۂ خیال کیا گیا۔ اس اعلیٰ سطح کے اجلاس میں نائب وزیراعظم اسحاق ڈار، وزیر داخلہ محسن نقوی، وزیر قانون اعظم نذیر تارڑ، رانا ثناء اللہ، اٹارنی جنرل پاکستان، شیری رحمان، سلیم مانڈوی والا اور سندھ کے وزراء شرجیل میمن و ناصر حسین شاہ سمیت اہم ترین شخصیات شریک ہوئیں۔ ملاقات کے دوران خیبر پختونخوا کی امن و امان کی صورتحال پر گہری تشویش کا اظہار کرتے ہوئے دہشت گردی کے خلاف قومی عزم کو مزید مضبوط بنانے اور تمام اداروں کے مابین مؤثر تعاون پر زور دیا گیا۔ اجلاس میں ایک اہم فیصلہ یہ کیا گیا کہ موجودہ سیاسی بحران کے حل کے لیے کل وفاقی حکومت اور پاکستان پیپلز پارٹی کا ایک مشترکہ وفد تحریک انصاف کی قیادت سے ملاقات کر کے مذاکرات کرے گا۔ اس مشترکہ مذاکراتی وفد میں محسن نقوی، رانا ثناء اللہ، امیر مقام، شیری رحمان، سید نوید قمر اور اعجاز جکھرانی شامل ہوں گے۔