امریکی صدر ٹرمپ کی عید الفطر پردنیا بھر کے مسلمانوں کو مبارکباد

امریکی صدر ڈونلڈ ٹرمپ نے عیدالفطر پر دنیا بھر کے مسلمانوں، بالخصوص امریکہ میں مقیم مسلم کمیونٹی کو مبارکباد پیش کی ہے۔

وائٹ ہاوس سے جاری اپنے پیغام میں صدر نے کہا کہ وہ اور خاتونِ اول عیدالفطر منانے والے تمام امریکیوں کیلئے نیک خواہشات کا اظہار کرتے ہیں۔ کہا کہ عیدالفطر، جسے روزہ افطار کرنے کا تہوار بھی کہا جاتا ہے، رمضان المبارک کے اختتام پر مسلمانوں کے روحانی جذبے، عبادات اور قربانیوں کا مظہر ہے۔

امریکی صدر کا کہنا تھا کہ یہ موقع مسلم خاندانوں، دوستوں اور کمیونٹیز کو آپس میں جوڑتا ہے اور مذہبی ہم آہنگی کو فروغ دیتا ہے۔۔۔ عیدالفطر امریکہ کے بنیادی اصول، مذہبی آزادی، کی بھی یاد دہانی کراتی ہے، جس کے تحفظ کیلئے ان کی انتظامیہ مسلسل کوشاں ہے۔ امریکی صدر نے اپنے پیغام کے اختتام پر عید منانے والے تمام افراد کیلئے نیک تمناؤں اور خوشیوں بھری عید کی دعا کی۔