پیپلزپارٹی سے متعلق دستاویزی ویڈیو پر رفتار اور فرحان ملک کو 10 ارب روپے کا نوٹس

ڈیجیٹل میڈیا پلیٹ فارم رفتار اور اس کے چیف ایگزیکٹو فرحان ملک کو 10 ارب روپے ہرجانے کا قانونی نوٹس بھجوا دیا گیا ہے۔

قانونی نوٹس عامر کھوسو کی جانب سے جاری کیا گیا ہے، جس میں پیپلزپارٹی سے متعلق ایک دستاویزی ویڈیو پر سخت اعتراضات اٹھائے گئے ہیں۔

نوٹس میں مؤقف اختیار کیا گیا ہے کہ دستاویزی ویڈیو میں پیپلزپارٹی اور کراچی میں اس کے کردار سے متعلق مواد متعصبانہ اور غیر متوازن ہے۔

مطالبہ کیا گیا ہے کہ مذکورہ دستاویزی ویڈیو کو فوری طور پر تمام پلیٹ فارمز سے ہٹایا جائے، عوام سے معذرت کی جائے اور ہرجانہ ادا کیا جائے۔

نوٹس میں کہا گیا ہے کہ اس مواد سے ساکھ کو نقصان پہنچا ہے۔ رافٹار کو 14 روز میں جواب دینے کی مہلت دی گئی ہے۔