پیپلزپارٹی کا وفد آج اپوزیشن لیڈر محمود خان اچکزئی سے ملاقات کرے گا: ذرائع

پاکستان پیپلز پارٹی (پی پی پی) کا ایک اعلیٰ سطح کا وفد، جس میں راجہ پرویز اشرف، نوید قمر، شیری رحمان اور سلیم مانڈوی والا شامل ہیں، آج پارلیمنٹ ہاؤس کے اپوزیشن چیمبر میں اپوزیشن لیڈر محمود خان اچکزئی سے اہم ملاقات کرے گا۔ ذرائع کے مطابق یہ ملاقات کشمیر انتخابات کے دوران چیئرمین بلاول بھٹو زرداری اور محمود خان اچکزئی کے درمیان ہونے والے ٹیلی فونک رابطے کے بعد طے پائی ہے۔ اس بیٹھک میں ملک کی مجموعی سیاسی صورتحال، پارلیمانی امور اور جمہوری اداروں کی مضبوطی کے لیے مشترکہ حکمتِ عملی پر مشاورت کی جائے گی۔ مزید برآں، پارلیمان کے اندر اور باہر اپوزیشن اور پیپلز پارٹی کے درمیان آئندہ کے باہمی تعاون پر بھی تفصیلی تبادلہ خیال ہوگا Focus ہے۔