افغان طالبان کی جارحیت کیخلاف سیاسی قیادت مادر وطن کیلئے یک زبان

پاکستان کی مسلح افواج نے افغان طالبان رجیم کی بلااشتعال فائرنگ اور شہری آبادی کو نشانہ بنانے کے جواب میں بھرپور ’آپریشن غضب للحق‘ کا آغاز کر دیا ہے۔ وفاقی وزیر اطلاعات عطا اللہ تارڑ کے مطابق اس کارروائی میں اب تک 133 افغان طالبان ہلاک اور 200 سے زائد زخمی ہو چکے ہیں، جبکہ کابل، پکتیا اور قندھار میں ان کے اہم فوجی ہیڈکوارٹرز، ایمونیشن ڈپو اور 80 سے زائد ٹینکوں کو تباہ کر دیا گیا ہے۔ وفاقی کابینہ اور تمام سیاسی جماعتوں نے دشمن کی بزدلانہ کارروائیوں کی شدید مذمت کرتے ہوئے مادرِ وطن کے دفاع کے لیے پاک فوج کے ساتھ شانہ بشانہ کھڑے ہونے کے عزم کا اعادہ کیا ہے۔