2026کی پہلی قومی انسدادِ پولیو مہم: 4 کروڑ 41 لاکھ سے زائد بچوں کی ویکسینیشن مکمل

پاکستان میں 2026 کی پہلی قومی انسدادِ پولیو مہم کے چھٹے اور آخری روز ملک بھر میں 4 کروڑ 41 لاکھ سے زائد بچوں کو پولیو سے بچاؤ کے قطرے پلائے جا چکے ہیں۔ نیشنل ایمرجنسی آپریشن سینٹر (N-EOC) کے مطابق پنجاب میں 2 کروڑ 29 لاکھ سے زائد بچوں کو ویکسین پلائی جا چکی ہے، جبکہ خیبر پختونخوا میں تقریباً 71 لاکھ بچوں کو پولیو کے قطرے دیے جا چکے ہیں۔

سندھ میں 1 کروڑ 4 لاکھ سے زائد، بلوچستان میں تقریباً 23 لاکھ 24 ہزار، اسلام آباد میں 4 لاکھ 55 ہزار، گلگت بلتستان میں 2 لاکھ 61 ہزار اور آزاد جموں و کشمیر میں 6 لاکھ 73 ہزار سے زائد بچوں کو ویکسین پلائی جا چکی ہے۔

نیشنل ای او سی نے والدین اور سرپرستوں سے اپیل کی ہے کہ وہ بچوں کی ویکسینیشن کے لیے تعاون جاری رکھیں اور کسی بھی معلومات یا ٹیم سے رابطے کے لیے 1166 پر کال کریں یا 03467776546 پر واٹس ایپ پیغام بھیجیں۔

ماہرین صحت کے مطابق انسدادِ پولیو مہم سے پاکستان میں پولیو کے خاتمے کے لیے اہم پیشرفت ہوئی ہے اور یہ مہم ملک بھر میں بچوں کی صحت کی حفاظت کے لیے کلیدی کردار ادا کر رہی ہے۔