ن لیگ نے 27ویں آئینی ترمیم پر پیپلز پارٹی کی حمایت مانگ لی، بلاول بھٹو زرداری

اسلام آباد : چیئرمین پاکستان پیپلز پارٹی بلاول بھٹو زرداری نے کہا ہے کہ وزیراعظم شہباز شریف کی قیادت میں مسلم لیگ (ن) کا وفد صدر آصف علی زرداری اور ان سے ملاقات کے لیے آیا، جس میں 27ویں آئینی ترمیم کی منظوری کے لیے پیپلز پارٹی کی حمایت طلب کی گئی۔
بلاول بھٹو کے مطابق مجوزہ ترمیم میں آئینی عدالت کا قیام، ایگزیکٹو مجسٹریٹس کی بحالی، ججوں کے تبادلوں کا اختیار اور آرٹیکل 243 میں تبدیلی جیسے نکات شامل ہیں۔

انہوں نے مزید کہا کہ ترمیم میں این ایف سی ایوارڈ میں صوبائی حصے کے تحفظ کے خاتمے، تعلیم و آبادی کی منصوبہ بندی کے اختیارات وفاق کو واپس دینے اور الیکشن کمیشن کی تقرری کے تعطل کے خاتمے کی تجاویز بھی شامل کی گئی ہیں۔چیئرمین پیپلز پارٹی نے واضح کیا کہ ان کی جماعت نے ابھی کوئی حتمی فیصلہ نہیں کیا۔
ان کے مطابق، پیپلز پارٹی کی سینٹرل ایگزیکٹو کمیٹی (CEC) کا اجلاس 6 نومبر کو صدر آصف علی زرداری کی دوحہ سے واپسی پر طلب کیا گیا ہے، جس میں مجوزہ آئینی ترمیم پر پارٹی کی حتمی پالیسی طے کی جائے گی۔