24 سے 28 جولائی کے دوران پنجاب، خیبر پختونخوا، کشمیر اور گلگت بلتستان میں بارشوں کا نیا سلسلہ متوقع

محکمہ موسمیات نے ملک میں مون سون ہواؤں کے داخلے کے پیشِ نظر آج شام سے پیر تک مختلف علاقوں میں آندھی اور بارش کی پیشگوئی جاری کر دی ہے۔ محکمہ موسمیات کے مطابق 24 سے 27 جولائی کے دوران اسلام آباد، راولپنڈی، خطۂ پوٹھوہار، پنجاب کے بیشتر اضلاع، خیبر پختونخوا کے بالائی علاقوں اور بلوچستان کے شمالی اضلاع میں تیز ہواؤں اور گرج چمک کے ساتھ بارش کا امکان ہے۔ علاوہ ازیں، 24 سے 28 جولائی کے دوران کشمیر اور گلگت بلتستان میں موسلا دھار بارش کی توقع ہے، جس کے پیشِ نظر بالائی و پہاڑی علاقوں میں معمولاتِ زندگی اور آمدورفت متاثر ہونے کا خدشہ ظاہر کیا جا رہا ہے۔