پاکستان ضرورت پڑنے پرسعودی عرب کی ہرحال میں مددکرے گا، ترجمان وزیراعظم

وزیراعظم کے ترجمان برائے غیر ملکی میڈیا مشرف زیدی نےکہا ہےکہ  پاکستان ہر وقت اور ہر صورت سعودی عرب کے ساتھ کھڑا ہے، ضرورت پڑی تو سعودی عرب کی ہر حال میں مدد کریں گے۔

ایک امریکی نیوزچینل کو انٹرویو میں  ترجمان وزیراعظم کا کہنا تھا کہ اس میں کوئی شک ہی نہیں، ہم ہروقت اور ہرصورت سعودی عرب کے ساتھ کھڑے ہوں گے، پاکستان اور سعودی عرب کے درمیان سکیورٹی تعاون کوئی نئی بات نہیں، دونوں ممالک طویل عرصے سے ایک دوسرے کے دفاعی مفادات کاخیال رکھتے آئے ہیں۔

مشرف زیدی کا کہنا تھا کہ فیلڈ مارشل سید عاصم منیر نے ریاض میں سعودی وزیردفاع سے ملاقات کرکے مشترکہ دفاعی اقدامات پر بات کی ہے۔جبکہ  وزیرخارجہ اسحاق ڈار جنگ کے آغاز  سے ہی ایرانی وزیرخارجہ کے ساتھ رابطے میں ہیں۔