وزیراعظم سے اقوام متحدہ کی سیکرٹری شپ کے امیدواروں کی ملاقاتیں، عالمی امن کے عزم کا اعادہ

وزیر اعظم محمد شہباز شریف سے اقوامِ متحدہ کے سیکرٹری جنرل کے عہدے کے مضبوط امیدواروں میکی سال، ریبیکا گرینسپین اور ماریہ فرنینڈا ایسپینوسا نے وزیر اعظم ہاؤس میں الگ الگ اہم ملاقاتیں کی ہیں، جن میں عالمی امن اور کثیرالجہتی تعاون کے لیے پاکستان کے پائیدار عزم کا اعادہ کیا گیا ہے۔ ملاقاتوں کے دوران وزیر اعظم نے اقوامِ متحدہ کے منشور کے مقاصد کی پاسداری، سلامتی کونسل کی قراردادوں پر من و عن عملدرآمد اور بین الاقوامی قوانین کے احترام کو ناگزیر قرار دیتے ہوئے امید ظاہر کی کہ ادارے کی آئندہ قیادت عالمی امن و سلامتی، ترقی اور انسانی حقوق کے تین بنیادی ستونوں کو متوازن انداز میں آگے بڑھائے گی۔ انہوں نے بالخصوص ترقی پذیر ممالک کو درپیش چیلنجز سے نمٹنے کے لیے عالمی تعاون کو مضبوط بنانے پر زور دیا۔ دوسری جانب اقوامِ متحدہ کی قیادت کے امیدواروں نے عالمی امن کے فروغ، علاقائی استحکام اور اقوامِ متحدہ کے مشنز میں پاکستان کی دیرینہ، گراں قدر اور تعمیری خدمات کو زبردست الفاظ میں سراہا ہے۔