شہباز شریف نے وزیراعظم آزاد کشمیر کو وزیراعظم ہاؤس طلب کر لیا

وزیراعظم شہباز شریف نے آزاد جموں و کشمیر (AJK) کی مجموعی سیاسی اور سیکیورٹی صورتِ حال پر اہم مشاورت کے لیے وزیراعظم آزاد کشمیر کو وزیراعظم ہاؤس اسلام آباد طلب کر لیا ہے۔

ذرائع کے مطابق اس اعلیٰ سطحی ملاقات میں آزاد جموں و کشمیر کی حالیہ صورتِ حال، بالخصوص خطے میں امن و امان کی قائم شدہ فضا، معاشی امور اور عوام سے جڑے ترقیاتی منصوبوں پر تفصیلی تبادلہ خیال کیا جائے گا۔ اس کے علاوہ ملاقات کے دوران وزیراعظم آزاد کشمیر خطے میں مسلم لیگ (ن) کے تنظیمی اور حکومتی امور کے حوالے سے وزیراعظم شہباز شریف کو بریفنگ بھی دیں گے۔

ذرائع کا مزید کہنا ہے کہ وفاقی حکومت اور آزاد کشمیر کی انتظامیہ کے درمیان باہمی تعاون کو مزید مضبوط بنانے اور آزاد کشمیر کے شہریوں کو درپیش بنیادی درپیش مسائل کے حل کے لیے آئندہ کے لائحہ عمل پر بھی اس اجلاس میں اہم فیصلے متوقع ہیں۔