وزیراعظم شہباز شریف برطانیہ کا 4 روزہ دورہ مکمل کر کے وطن روانہ

وزیرِ اعظم شہباز شریف برطانیہ کا چار روزہ کامیاب سرکاری دورہ مکمل کرنے کے بعد لندن کے لوٹن ایئرپورٹ سے اپنے خصوصی طیارے کے ذریعے وطن کے لیے روانہ ہو گئے ہیں۔

اپنے اس دورے کے دوران وزیراعظم نے مصروفیات کا ایک طویل سلسلہ طے کیا، جس میں آج لندن اسٹاک ایکسچینج کی تاریخی ‘مارکیٹ اوپن’ تقریب میں شرکت اور وہاں سے خطاب سرفہرست تھا۔ اس کے علاوہ انہوں نے اپنے قیام کے دوران دنیا کے معروف مالیاتی اور سرمایہ کاری اداروں کے اعلیٰ ترین سربراہان سے الگ الگ اہم ملاقاتیں کیں جن میں پاکستان میں معاشی اصلاحات، سرمایہ کاری کے پرکشش مواقع اور دوطرفہ تعاون کے فروغ پر تفصیلی تبادلہ خیال کیا گیا۔