وزیراعظم شہباز شریف سے محسن نقوی کی ملاقات، سکیورٹی صورِتحال پر بات چیت

وزیراعظم شہباز شریف سے وفاقی وزیر داخلہ محسن رضا نقوی نے ایک اہم ملاقات کی، جس کے دوران ملک کی مجموعی سیکیورٹی صورتحال، امن و امان کے اقدامات اور باہمی دلچسپی کے دیگر اہم امور پر تفصیلی بات چیت کی گئی۔ ذرائع کے مطابق دونوں رہنماؤں کے درمیان یہ ملاقات تقریباً ڈیڑھ گھنٹے تک جاری رہی، جس میں حساس بالخصوص خیبرپختونخوا اور وفاقی دارالحکومت سے متعلق سیکیورٹی امور پر اہم تبادلہ خیال کیا گیا۔

ملاقات کے دوران ملک میں قانون کی حکمرانی کو یقینی بنانے اور امن و امان قائم رکھنے کے حوالے سے حکمتِ عملی پر بھی بات ہوئی۔ ذرائع کا کہنا ہے کہ وزیراعظم سے اہم گفت و شنید اور مشاورت کے بعد وفاقی وزیر داخلہ محسن نقوی اسلام آباد کے لیے روانہ ہو گئے۔