وزیراعظم شہباز شریف کی زیر صدارت اجلاس، کم آمدنی والوں کیلئے سستے گھروں کے منصوبوں پر بریفنگ
Web Desk
18 March 2026
اسلام آباد: شہباز شریف کی زیر صدارت وفاقی وزارت ہاؤسنگ اینڈ ورکس کے امور پر اہم اجلاس وزیراعظم ہاؤس میں منعقد ہوا۔
اجلاس سے خطاب کرتے ہوئے وزیراعظم نے کہا کہ کم آمدنی والے طبقے کے لیے رہائش کی فراہمی، سستے گھروں کے منصوبے، نجی شعبے کی حوصلہ افزائی اور عوامی سہولیات کی بہتری حکومت کی ترجیحات میں شامل ہیں۔ انہوں نے عام آدمی کو ہاؤس فنانس کی سہولت مؤثر انداز میں فراہم کرنے کے لیے عملی اقدامات اٹھانے کی ہدایت کی۔
اجلاس کو وزارت ہاؤسنگ اینڈ ورکس کے اسٹریٹجک روڈ میپ پر بریفنگ دی گئی، جس میں بتایا گیا کہ تعمیراتی شعبے کے ٹیکس اسٹرکچر میں اصلاحات کی جا رہی ہیں اور اس حوالے سے فیڈرل بورڈ آف ریونیو اور صوبوں کے درمیان مشاورت جاری ہے۔
بریفنگ میں مزید آگاہ کیا گیا کہ ہاؤس مورٹگیج اصلاحات کے مسودے پر بھی کام جاری ہے، جبکہ پبلک پرائیویٹ پارٹنرشپ کے تحت کم آمدنی والے افراد کے لیے گھروں کی تعمیر کا لائحہ عمل تیار کیا جا رہا ہے۔
اجلاس کو بتایا گیا کہ رئیل اسٹیٹ اور ہاؤسنگ سیکٹر کو ریگولیٹ کرنے کے لیے ریئل اسٹیٹ ریگولیٹری اتھارٹی کے قیام پر بھی کام جاری ہے، جبکہ ہاؤس فنانس کے لیے ریئل اسٹیٹ انویسٹمنٹ ٹرسٹ کے حوالے سے وزارت خزانہ، ایف بی آر، سیکیورٹیز اینڈ ایکسچینج کمیشن آف پاکستان اور صوبے مشترکہ طور پر اقدامات کر رہے ہیں۔
اجلاس میں وفاقی وزراء اور اعلیٰ سرکاری حکام نے شرکت کی، جبکہ حکومت نے ہاؤسنگ سیکٹر میں اصلاحات کے ذریعے عام آدمی کو ریلیف فراہم کرنے کے عزم کا اعادہ کیا۔
متعلقہ عنوانات
گزشتہ چند گھنٹوں میں حملوں کے دوران 144 حوثی کمانڈرز اور جنگوؤں کو ہلاک یا زخمی کردیا: یمنی فورسز
19 November 2026
شی جن پنگ اور پیوٹن بھی ایران جنگ کا خاتمہ چاہتے ہیں: امریکی صدر
19 November 2026
ایران کیخلاف استعمال ہونے والی ہر سرزمین ہمارا ہدف ہوگی: پاسداران انقلاب کا انتباہ
19 November 2026
خطے کے ممالک جارح قوتوں کو ایران کیخلاف اپنی سرزمین کا استعمال کرنے سے روکیں، ایرانی وزارت خارجہ
19 November 2026
سعودیہ کی کنگ عبداللہ فنانشل ڈسٹرکٹ پر حوثی حملے کی شدید مذمت
19 November 2026
این سی سی آئی اے کا آن لائن جوئے کیخلاف پاکستان کا سب سے بڑا آپریشن، 5 ملزمان گرفتار
19 November 2026
ریاض کے فنانشل ڈسٹرکٹ ٹاور پر حوثیوں کا میزائل حملہ
19 November 2026
نیتن یاہو کی ایران کے خلاف نئی فوجی کارروائی کیلئے کوششیں تیز
19 November 2026