ایف بی آر نے تاریخی ریونیو ہدف حاصل کیا، اصلاحات کا عمل مزید تیز ہوگا: وزیراعظم
Web Desk
2 July 2026
وزیراعظم شہباز شریف نے فیڈرل بورڈ آف ریونیو (ایف بی آر) کے سینئر افسران سے ایک اہم ملاقات میں مالی سال 26-2025 کے دوران 12.957 کھرب روپے کے محصولات کا ہدف عبور کرنے پر افسران کی کارکردگی کو سراہتے ہوئے کہا ہے کہ یہ کامیابی ملکی معیشت کے لیے ایک اہم سنگ میل ہے۔
وزیراعظم نے ایف بی آر کے تمام افسران اور عملے کو مبارکباد دیتے ہوئے کہا کہ مالی سال 26-2025 میں تقریباً 600 ارب روپے کے ٹیکس ریفنڈز کی بروقت ادائیگی سے کاروباری برادری کو سہولت ملی اور برآمدات کے فروغ میں مدد حاصل ہوئی۔ انہوں نے امید ظاہر کی کہ ایف بی آر کی فیلڈ فارمیشنز رواں مالی سال 15 کھرب روپے سے زائد محصولات کا ہدف بھی حاصل کریں گی۔
شہباز شریف نے نائب وزیراعظم اسحاق ڈار، وفاقی وزیر خزانہ محمد اورنگزیب، وزیر مملکت بلال اظہر کیانی، اٹارنی جنرل منصور اعوان، چیئرمین ایف بی آر راشد محمود لنگڑیال، معاشی ٹیم اور ایف بی آر افسران کی خدمات کو خصوصی طور پر سراہا۔ اس کے علاوہ، وزیراعظم نے سمگلنگ کی روک تھام اور ایف بی آر افسران کو سکیورٹی فراہم کرنے پر فیلڈ مارشل سید عاصم منیر اور قانون نافذ کرنے والے اداروں کو بھی خراج تحسین پیش کیا۔
شہباز شریف نے مزید کہا کہ گزشتہ ڈھائی برس کے دوران ایف بی آر میں اصلاحات، ڈیجیٹائزیشن اور مؤثر ٹیم ورک کی بدولت ریکارڈ محصولات اکٹھے کیے گئے۔ انہوں نے واضح کیا کہ ایف بی آر میں اصلاحات حکومت کی اولین ترجیح ہیں، اسی لیے وہ خود ہر ماہ دو مرتبہ جائزہ اجلاسوں کی صدارت کرتے رہے ہیں۔ فیلڈ فارمیشنز میں اچھی شہرت کے حامل افسران کی تعیناتی کو یقینی بنایا گیا ہے اور ادارے میں کرپٹ عناصر کی کوئی جگہ نہیں۔
انہوں نے ہدایت کی کہ محصولات کے حصول کے ساتھ ساتھ ٹیکس دہندگان، کاروباری اور صنعتی برادری کو زیادہ سے زیادہ سہولیات فراہم کی جائیں۔ وزیراعظم کا کہنا تھا کہ ایف بی آر کا نیا آپریٹنگ ماڈل ڈیجیٹل اور کم سے کم انسانی مداخلت پر مبنی “فیس لیس ٹیکس نظام” پر استوار ہوگا تاکہ ٹیکس نیٹ میں توسیع اور شفافیت کو یقینی بنایا جا سکے۔
متعلقہ عنوانات
ہم اعتراف کرنے پر بلاول بھٹو کے مشکور ہیں: ایم کیو ایم کا چیئرمین پی پی کے بیان پر ردعمل
17 November 2026
کراچی کسی کے باپ کی جاگیر نہیں، ہر پاکستانی کو یہاں ترقی میں حصہ لینے کا حق ہے: فاروق ستار
17 November 2026
پرویز الہٰی سے پی ٹی آئی کے ارکان اسمبلی کی ملاقات، سیاسی صورتحال پر تبادلہ خیال
17 November 2026
جامشورو کے گاؤں میں گیسٹرو اور ڈائریا کی وبا پھیل گئی، درجنوں کیسز رپورٹ
17 November 2026
گھریلو ملازمہ فاطمہ ہلاکت کیس، شیری رحمان کا ملزموں کو قرار واقعی سزا کا مطالبہ
17 November 2026
عطا تارڑ طعنے نہ دیں، ہمت ہے تو کہیں پیپلزپارٹی کی ضرورت نہیں: شرجیل میمن
17 November 2026
میر رضا قتل کیس: جے آئی ٹی سربراہ کی اہل خانہ سے ملاقات، تفتیش میں پیشرفت سے آگاہ کیا
17 November 2026
ادویات کی بارکوڈنگ اور سیریلائزیشن لازمی قرار، ڈریپ کا اہم فیصلہ
17 November 2026