وزیراعظم کی موسم سرما میں گیس لوڈ مینجمنٹ کا لائحہ عمل تیار کرنے کی ہدایت

وزیراعظم محمد شہباز شریف کی زیر صدارت موسم سرما میں گیس کی طلب و رسد اور لوڈ مینجمنٹ کے حوالے سے ایک اہم اجلاس منعقد ہوا، جس میں وزیراعظم نے تمام پیشگی اقدامات کو یقینی بنانے کی ہدایت کی ہے۔ اجلاس کے دوران بریفنگ دی گئی کہ مقامی گیس کی فراہمی میں گھریلو صارفین کو ترجیح دی جائے گی جبکہ صنعتوں اور بجلی کی پیداوار کے لیے آر ایل این جی استعمال کی جائے گی۔ وزیراعظم نے شمالی علاقوں میں گیس کے ذخائر سے بلا تعطل ترسیل یقینی بنانے اور گیس کی درآمد کے لیے تمام ضروری اقدامات کرنے کی بھی ہدایت کی، جبکہ واٹر اور سپیس ہیٹنگ کے لیے بجلی کے آلات کے استعمال کو فروغ دینے کی غرض سے بینک فنانسنگ کی سہولت متعارف کرانے کی تجویز پر بھی غور کیا گیا۔