دانش اسکول اور دانش یونیورسٹی انتہائی اہم قومی اثاثے ہیں، وزیراعظم
Web Desk
1 July 2026
وزیراعظم شہباز شریف کی زیر صدارت دانش اسکولوں اور دانش یونیورسٹی کے قیام و تعمیراتی پیشرفت کا جائزہ لینے کے لیے ایک اہم اجلاس منعقد ہوا، جس میں ملک بھر میں جاری تعلیمی منصوبوں پر تفصیلی بریفنگ دی گئی۔
وزیراعظم نے اجلاس سے خطاب کرتے ہوئے کہا کہ دانش اسکول اور دانش یونیورسٹی انتہائی اہم قومی اثاثے ہیں اور ان کی تعمیر ملک کے مستقبل میں بہترین سرمایہ کاری ہے۔ انہوں نے حکام کو ہدایت کی کہ مظفر آباد میں دانش یونیورسٹی کا ٹیک کیمپس قائم کیا جائے، جبکہ چاروں صوبوں، گلگت بلتستان اور آزاد کشمیر میں زیرِ تعمیر دانش اسکولوں کے منصوبے جلد از جلد مکمل کیے جائیں۔
شہباز شریف نے اس بات پر بھی زور دیا کہ دانش اسکولوں کا ڈیزائن متعلقہ علاقوں کی ثقافت اور روایات سے ہم آہنگ ہونا چاہیے، جبکہ دانش اسکولوں اور دانش یونیورسٹی میں تمام بھرتیاں مکمل شفافیت اور خالصتاً میرٹ کی بنیاد پر کی جائیں۔
اجلاس میں وفاقی وزارت تعلیم کی ٹیم کی جانب سے دانش اسکولوں کی تعمیر میں دکھائی جانے والی پیشرفت کو سراہا گیا۔ حکام نے بریفنگ دیتے ہوئے بتایا کہ اس وقت ملک بھر میں 27 دانش اسکولوں اور دانش یونیورسٹی پر کام تیزی سے جاری ہے۔ اسلام آباد کے علاقے کری میں دانش اسکول کی تعمیر مکمل ہو چکی ہے جہاں باقاعدہ تدریسی سرگرمیوں کا آغاز بھی کر دیا گیا ہے۔
بریفنگ کے مطابق مختلف اضلاع میں زیرِ تعمیر دانش اسکولوں کے منصوبے اب آخری مراحل میں داخل ہو چکے ہیں اور ان میں اپریل 2027 سے تدریس شروع ہونے کی توقع ہے، جبکہ دانش یونیورسٹی میں تدریسی عملے کی بھرتیوں کا عمل شروع کر دیا گیا ہے اور وہاں بھی 2027 سے باقاعدہ کلاسز کا آغاز ہو جائے گا۔ حکام کا کہنا تھا کہ ان تعلیمی اداروں میں پسماندہ علاقوں کے باصلاحیت طلبہ کو میرٹ کی بنیاد پر داخلے دیے جائیں گے۔ اس اہم اعلیٰ سطح کے اجلاس میں وفاقی وزرا اعظم نذیر تارڑ، احسن اقبال، عطا تارڑ اور خالد مقبول صدیقی نے بھی شرکت کی۔
متعلقہ عنوانات
ہم اعتراف کرنے پر بلاول بھٹو کے مشکور ہیں: ایم کیو ایم کا چیئرمین پی پی کے بیان پر ردعمل
17 November 2026
کراچی کسی کے باپ کی جاگیر نہیں، ہر پاکستانی کو یہاں ترقی میں حصہ لینے کا حق ہے: فاروق ستار
17 November 2026
پرویز الہٰی سے پی ٹی آئی کے ارکان اسمبلی کی ملاقات، سیاسی صورتحال پر تبادلہ خیال
17 November 2026
جامشورو کے گاؤں میں گیسٹرو اور ڈائریا کی وبا پھیل گئی، درجنوں کیسز رپورٹ
17 November 2026
گھریلو ملازمہ فاطمہ ہلاکت کیس، شیری رحمان کا ملزموں کو قرار واقعی سزا کا مطالبہ
17 November 2026
عطا تارڑ طعنے نہ دیں، ہمت ہے تو کہیں پیپلزپارٹی کی ضرورت نہیں: شرجیل میمن
17 November 2026
میر رضا قتل کیس: جے آئی ٹی سربراہ کی اہل خانہ سے ملاقات، تفتیش میں پیشرفت سے آگاہ کیا
17 November 2026
ادویات کی بارکوڈنگ اور سیریلائزیشن لازمی قرار، ڈریپ کا اہم فیصلہ
17 November 2026