وزیراعظم شہبازشریف دورہ امریکا مکمل کر کے لندن پہنچ گئے

وزیراعظم شہباز شریف “بورڈ آف پیس” کے اہم اجلاس میں شرکت اور امریکہ کا کامیاب دورہ مکمل کرنے کے بعد لندن پہنچ گئے ہیں۔ وزیراعظم کے خصوصی طیارے نے لندن کے لوٹن ایئرپورٹ پر لینڈ کیا، جہاں سے وہ سخت سیکیورٹی میں اپنی رہائش گاہ منتقل ہو گئے۔

ذرائع کے مطابق، وزیراعظم کے ہمراہ نائب وزیراعظم اسحاق ڈار اور وفاقی وزیرِ اطلاعات عطا تارڑ بھی موجود ہیں۔ وزیراعظم شہباز شریف لندن میں دو دن قیام کریں گے، جس کے بعد وہ پیر کے روز پاکستان کے لیے روانہ ہوں گے۔ لندن میں قیام کے دوران ان کی بعض اہم ملاقاتیں بھی متوقع ہیں۔

وفاقی وزیرِ اطلاعات عطا تارڑ نے میڈیا سے گفتگو کرتے ہوئے وزیراعظم کے دورہ امریکہ کو انتہائی کامیاب قرار دیا۔ انہوں نے کہا کہ اس دورے کے دوران پاکستان کو عالمی سطح پر بڑی پذیرائی ملی ہے۔ عطا تارڑ کا مزید کہنا تھا کہ “ایک وقت تھا جب پاکستان سفارتی تنہائی کا شکار تھا، لیکن آج پاکستان عالمی سفارتکاری میں ایک متحرک اور اہم کردار ادا کر رہا ہے۔”