وزیرِ اعظم نے لاہور اور کراچی ایئرپورٹس کی ماسٹر پلانز کے تحت توسیع کی منظوری دے دی

وزیرِ اعظم محمد شہباز شریف نے اسلام آباد میں اعلیٰ سطحی اجلاس کی صدارت کرتے ہوئے لاہور اور کراچی ایئرپورٹس کے ماسٹر پلانز کے تحت توسیعی منصوبوں کی باضابطہ منظوری دے دی ہے اور تمام کام بین الاقوامی معیار کے مطابق معینہ مدت میں مکمل کرنے کی ہدایت کی ہے۔ اجلاس میں بریفنگ دی گئی کہ کراچی ایئرپورٹ کے رن وے کی توسیع مکمل ہو چکی ہے جبکہ اسے ’کارگو حب‘ بنانے کے لیے ایئر کارگو ویلیج اور بڑے ہوائی اڈوں پر خودکار ’ای گیٹس‘ (E-Gates) کی تنصیب جاری ہے۔ وزیرِ اعظم نے تھرڈ پارٹی ویلیڈیشن، عملے کی اعلیٰ تربیت اور مسافروں کو معیاری سہولیات فراہم کرنے کے ساتھ ساتھ حیدرآباد میں 2028ء تک بین الاقوامی ایوی ایشن یونیورسٹی کے قیام کے منصوبے کو بھی وقت پر مکمل کرنے کی تاکید کی۔