پمز آتشزدگی کی تحقیقات کے لئے اعلیٰ سطح انکوائری کمیٹی قائم

وزیراعظم محمد شہباز شریف کی ہدایت پر اسلام آباد کے پمز ہسپتال کی نرسری میں آتشزدگی کے افسوسناک واقعے کی تحقیقات کے لیے اعلیٰ سطحی انکوائری کمیٹی کے قیام کا نوٹیفکیشن جاری کر دیا گیا ہے۔ حکومت کی جانب سے جاری کردہ نوٹیفکیشن کے مطابق ریٹائرڈ وفاقی سیکرٹری شاہد خان کو کمیٹی کا چیئرمین مقرر کیا گیا ہے، جبکہ میجر جنرل (ر) ڈاکٹر خورشید اُترا، ڈاکٹر بیرسٹر نبیل احمد اعوان اور ڈپٹی کمشنر اسلام آباد اس کے ارکان ہوں گے۔ یہ کمیٹی آتشزدگی کے فوری اسباب، ہنگامی امدادی کارروائیوں، نومولود بچوں کے انخلا کے ایس او پیز اور فائر سیفٹی انفراسٹرکچر کا تفصیلی جائزہ لے کر ذمہ داران کا تعین کرے گی۔ نوٹیفکیشن کی ہدایت کے مطابق کمیٹی 48 گھنٹوں کے اندر اپنی عبوری رپورٹ اور 5 ایام کے اندر مکمل جامع رپورٹ وزیراعظم کو پیش کرے گی