مشرق وسطیٰ میں کشیدگی، وزیراعظم شہبازشریف ہنگامی دورے پر سعودی عرب پہنچ گئے

مشرق وسطیٰ کی کشیدہ صورتحال کے تناظرمیں وزیراعظم شہباز شریف سعودی عرب کے اہم ہنگامی دورے پر جدہ پہنچ گئے ۔ وزیراعظم سعودی عرب میں قیام کے دوران ولی عہد شہزادہ محمد بن سلمان آل سعود سے ملاقات کے بعد وطن واپس روانہ ہو جائیں گے۔

جدہ کے بین الاقوامی ہوائی اڈے کے رائل ٹرمینل پر مکہ ریجن کے ڈپٹی گورنر پرنس سعود بن مشعل بن عبد العزیز ، ریاض میں تعینات پاکستان کے سفیر احمد فاروق ، جدہ میں تعینات پاکستان کے قونصل جنرل  سید مصطفیٰ ربانی اور دیگر سفارتی عملے نے وزیراعظم کا استقبال کیا۔

وزیر اعظم اور سعودی ولی عہد کے درمیان  ملاقات میں خطے کی موجودہ صورتحال،  علاقائی سلامتی کی صورتحال اور دو طرفہ تعلقات پر تفصیلی بات چیت ہو گی۔