پی آئی اے کی نجکاری کا پہلا مرحلہ کامیابی سے مکمل: کامیاب بولی دہندہ کنسورشیم نے 66.67 فیصد شیئرز حاصل کر لیے
Web Desk
3 July 2026
پاکستان انٹرنیشنل ایئرلائنز (پی آئی اے) کی نجکاری کے عمل میں ایک تاریخی اور بڑی پیش رفت سامنے آئی ہے، جہاں نجکاری کا پہلا مرحلہ کامیابی کے ساتھ مکمل کر لیا گیا ہے۔ اس سلسلے میں پی آئی اے ہولڈنگ کمپنی کی جانب سے پاکستان اسٹاک ایکسچینج (پی ایس ایکس) کو ایک باقاعدہ خط کے ذریعے مادی معلومات (Material Information) ارسال کر دی گئی ہیں۔
پی ایس ایکس کو بھیجے گئے خط کے مطابق، کامیاب بولی دہندہ کنسورشیم نے پی آئی اے سی ایل (PIACL) کے 66.67 فیصد شیئرز حاصل کر لیے ہیں، جس کے بعد اب ‘پی آئی اے ایکویٹی لمیٹڈ’ پی آئی اے سی ایل کا اکثریتی شیئر ہولڈر بن گیا ہے۔ دوسری جانب، پی آئی اے ہولڈنگ کمپنی کے پاس پی آئی اے سی ایل کے 33.33 فیصد شیئرز برقرار رہیں گے۔
خط میں واضح کیا گیا ہے کہ شیئر پرچیز اینڈ سبسکرپشن معاہدے کے تحت شیئرز کی منتقلی کا عمل مکمل ہو چکا ہے اور نجکاری معاہدے کے تحت پہلی قسط بطور تازہ ایکویٹی سرمایہ پی آئی اے میں شامل کر دی گئی ہے۔ اس کے ساتھ ہی، پی آئی اے میں نئے شیئرز کے اجرا کے ذریعے پہلی ایکویٹی سرمایہ کاری بھی کامیابی سے مکمل ہو گئی ہے۔
پی آئی اے ہولڈنگ کمپنی کے مطابق، 29 جون 2026 کو نجکاری معاہدے کے پہلے کمپلیشن مرحلے کی تکمیل ہوئی، جس کے تحت شیئر ٹرانسفر اور ایکویٹی سبسکرپشن کا مرحلہ کامیابی سے انجام پایا۔ نجکاری کے اس اہم ترین مرحلے کے بعد اب پی آئی اے میں ملکیت کا نیا ڈھانچہ نافذ العمل ہو گیا ہے، جس کے تحت کنسورشیم کو دو تہائی سے زائد حصص منتقل ہو چکے ہیں۔ پی آئی اے نجکاری سے متعلق اس پیش رفت کو پکارز (PUCARS) کے ذریعے بھی باقاعدہ جاری کر دیا گیا ہے
متعلقہ عنوانات
ہم اعتراف کرنے پر بلاول بھٹو کے مشکور ہیں: ایم کیو ایم کا چیئرمین پی پی کے بیان پر ردعمل
17 November 2026
کراچی کسی کے باپ کی جاگیر نہیں، ہر پاکستانی کو یہاں ترقی میں حصہ لینے کا حق ہے: فاروق ستار
17 November 2026
پرویز الہٰی سے پی ٹی آئی کے ارکان اسمبلی کی ملاقات، سیاسی صورتحال پر تبادلہ خیال
17 November 2026
جامشورو کے گاؤں میں گیسٹرو اور ڈائریا کی وبا پھیل گئی، درجنوں کیسز رپورٹ
17 November 2026
گھریلو ملازمہ فاطمہ ہلاکت کیس، شیری رحمان کا ملزموں کو قرار واقعی سزا کا مطالبہ
17 November 2026
عطا تارڑ طعنے نہ دیں، ہمت ہے تو کہیں پیپلزپارٹی کی ضرورت نہیں: شرجیل میمن
17 November 2026
میر رضا قتل کیس: جے آئی ٹی سربراہ کی اہل خانہ سے ملاقات، تفتیش میں پیشرفت سے آگاہ کیا
17 November 2026
ادویات کی بارکوڈنگ اور سیریلائزیشن لازمی قرار، ڈریپ کا اہم فیصلہ
17 November 2026