پی آئی اے کی نجکاری پر حکومت کو  قوم سے معافی مانگی چاہیے: مزمل اسلم

مشیرِ خزانہ خیبر پختونخوا مزمل اسلم نے قومی ایئر لائن پی آئی اے کی نجکاری پر ردعمل دیتے ہوئے کہا ہے کہ اس فیصلے پر حکومت کو کریڈٹ لینے کے بجائے قوم سے معافی مانگنی چاہیے۔

پشاور میں گفتگو کرتے ہوئے مزمل اسلم نے کہا کہ پی آئی اے کی نجکاری کے نتیجے میں حکومت کو صرف ساڑھے سات فیصد رقم حاصل ہوگی، جو بمشکل کنسلٹنٹ کی فیس کے برابر بنتی ہے۔

انہوں نے کہا کہ پی آئی اے کے تقریباً 700 ارب روپے کے واجبات حکومت نے اپنے ذمے لے لیے ہیں، جبکہ یہ واجبات بالآخر عوام پر مزید ٹیکس لگا کر پورے کیے جائیں گے۔

مشیرِ خزانہ خیبر پختونخوا کا کہنا تھا کہ بہرحال دیر آید درست آید، تاہم اس عمل پر حکومت کسی قسم کا کریڈٹ نہ لے۔ انہوں نے کہا کہ پی آئی اے کی نجکاری 2015ء سے نامکمل چلی آ رہی تھی، جسے اب مکمل کیا گیا ہے۔